ബ്രെസ്റ്റ് പാഡ് ഉപയോഗിച്ചു, എന്നാൽ ബൂബ് ജോബ് വേണ്ടെന്ന് പറഞ്ഞു; സമീറ റെഡ്ഡി

2008ലെ സൂപ്പർ ഹിറ്റായ ‘വാരണം ആയിരം’ എന്ന ചിത്രത്തിലൂടെ ജനശ്രദ്ധ നേടിയ സമീറ റെഡ്ഡി ഇപ്പോൾ വെള്ളിത്തിരയിൽ നിന്ന് ഇടവേളയിലാണ്. ഇൻസ്റ്റാഗ്രാമിലും മറ്റ് സോഷ്യൽ മീഡിയ പ്ലാറ്റ്‌ഫോമുകളിലും സൂപ്പർ ആക്ടീവാണ് നടി സിനിമയിലെ അഭാവം നികത്തുന്നത്. സോഷ്യൽ മീഡിയ സ്‌പെയ്‌സിൽ പോസിറ്റീവിറ്റി പുറത്തെടുക്കുന്ന സമീറ, എങ്ങനെ ആകാരം വീണ്ടെടുക്കാം എന്നതിന് ചില ഉപദേശങ്ങൾ നൽകുന്നു, ഒപ്പം അവരുടെ മാതൃത്വത്തിൽ നിന്നുള്ള കാഴ്ചകൾ പങ്കിടുകയും ചെയ്യുന്നു. ഇപ്പോൾ ഇൻസ്റ്റാഗ്രാമിൽ ‘മെസ്സി മമ്മ’ എന്ന് വിളിക്കുന്ന സമീറ, സിനിമാരംഗത്തുള്ള സമയത്ത് തനിക്ക് നേരിടേണ്ടി വന്ന ചില പരീക്ഷണങ്ങൾ പങ്കുവെച്ചിരിക്കുകയാണ്.

“ഏകദേശം 10 വർഷം മുമ്പ് എൻ്റെ മെലിഞ്ഞ ആകൃതി കാരണം എനിക്ക് സിനിമാ മേഖലയിൽ നിന്ന് ബോഡി ഷെയ്മിംഗ് കമൻ്റുകൾ നേരിടേണ്ടി വന്നിട്ടുണ്ട്. ആളുകൾ എന്നോട് ശരീരഭാരം കൂട്ടാൻ ആവശ്യപ്പെട്ടു, ചിലർ എൻ്റെ സ്തന വലുപ്പം വർദ്ധിപ്പിക്കാനുള്ള ആശയവും അവതരിപ്പിച്ചു. പത്ത് വർഷം മുമ്പ് സ്ഥിതി ഭ്രാന്തമായിരുന്നു. എല്ലാവരും പ്ലാസ്റ്റിക് സർജറി നടത്തിയിരുന്നു. അവർ ബൂബ് ജോബ്, നോസ് ജോബ് ചെയ്യാറുണ്ടായിരുന്നു, അതിനിടയിൽ, എനിക്ക് എപ്പോഴും ബ്രെസ്റ്റ് പാഡ് ഉപയോഗിക്കേണ്ടി വന്നു. ഞാൻ ശസ്ത്രക്രിയ ചെയ്യണമെന്ന് ആളുകൾ നിർദ്ദേശിച്ചപ്പോൾ, അത് എനിക്ക് ഒരു വിഷമമായിരുന്നു, .

എന്നാൽ ഇപ്പോൾ തിരിഞ്ഞു നോക്കുമ്പോൾ, ഞാൻ ഒരിക്കലും അവരോട് അത് ചെയ്യാം എന്ന് പറഞ്ഞില്ലല്ലോ എന്ന ആശ്വാസം തോന്നുന്നു. പല അഭിനേതാക്കളും അത് ചെയ്തിട്ടുണ്ട്, ഒരുപക്ഷേ അവർ സുഖമായിരിക്കുകയും അതിൽ നിന്ന് ആനന്ദം നേടുകയും ചെയ്തിട്ടുണ്ട്. എനിക്ക് പറയാനുള്ളത് ജീവിക്കൂ, ജീവിക്കാൻ അനുവദിക്കൂ. .” ഒരു തമിഴ് ചാനലിന് നൽകിയ അഭിമുഖത്തിലാണ് സമീറ ഇക്കാര്യം വെളിപ്പെടുത്തിയത്.