വീട്ടമ്മമാരുടെ സംഭാവന അമൂല്യമെന്ന് സുപ്രീംകോടതി

ഉത്തരാഖണ്ഡില്‍ 2006-ല്‍ നടന്ന വാഹനാപകടത്തില്‍ മരിച്ച അമ്പതുകാരിയായ സുഷമ പാണ്ഡെയുടെ കുടുംബത്തിന് നഷ്ടപരിഹാരം നല്‍കാന്‍ ട്രിബ്യൂണല്‍ വിസമ്മതിച്ചിരുന്നു. വാഹനത്തിന് ഇന്‍ഷുറന്‍സില്ലെന്നാണ് കാരണം പറഞ്ഞത്. ഇതിനെതിരേ കുടുംബാംഗങ്ങള്‍ നല്‍കിയ അപ്പീല്‍ പരിഗണിച്ച ഹൈക്കോടതി ട്രിബ്യൂണലിനോട് വീണ്ടും വിഷയം പരിഗണിക്കാന്‍ ആവശ്യപ്പെട്ടു. തുടര്‍ന്ന് ട്രിബ്യൂണല്‍ വിധിച്ച രണ്ടരലക്ഷം രൂപ പോരെന്നുകാട്ടി നല്‍കിയ ഹര്‍ജി ഹൈക്കോടതി തള്ളിയതിനെത്തുടര്‍ന്നാണ് വിഷയം സുപ്രീംകോടതിയിലെത്തിയത്.