തമിഴ്‌നാട്ടിൽ മീൻപിടിത്തക്കാരുടെ സംഘങ്ങൾ തമ്മിലുണ്ടായ സംഘട്ടനത്തിൽ ഒരാൾ മരിച്ചു

നാഗപട്ടണം ജില്ലയിലെ അക്കരപ്പേട്ട, കീച്ചങ്കുപ്പം ഗ്രാമങ്ങളിലെ മീൻപിടിത്തക്കാരാണ് കരയിൽനിന്ന് രണ്ടു നോട്ടിക്കൽമൈൽ അകലെ ഏറ്റുമുട്ടിയത്. അക്കരപ്പേട്ടയിൽനിന്ന് ഫൈബർ വള്ളത്തിൽ മീൻപിടിക്കാൻപോയ എസ്. ആത്മനാഥൻ, എസ്. ശിവസേന സെൽവം, എസ്. കലാതിനാഥൻ എന്നീ സഹോദരങ്ങളാണ് അയൽഗ്രാമത്തിൽനിന്ന് യന്ത്രവത്കൃത ബോട്ടിലെത്തിയ സംഘത്തിന്റെ ആക്രമണത്തിനിരയായത്. ശിവസേന സെൽവമാണ് മരിച്ചത്. കലാതിനാഥനെ കടലിൽ കാണാതായി.