ജനപ്രാതിനിധ്യ സഭകളിൽ സംവരണം വേണമെന്ന് ട്രാൻസ്ജെൻഡറുകൾ

രാജ്യസഭയിലേക്കും നാമനിര്‍ദേശത്തിലൂടെ ട്രാന്‍സ്ജെൻഡറുകളെത്തണമെന്ന് കേരള സംസ്ഥാന നീതിബോര്‍ഡ് അംഗവും കേരള ഡെമോക്രാറ്റിക് ട്രാന്‍സ്ജെൻഡർ ഫെഡറേഷന്‍ ജനറല്‍ സെക്രട്ടറിയുമായ ശ്യാമ എസ്. പ്രഭ പറഞ്ഞു. കേരളത്തില്‍ 14-ാം നിയമസഭയിലെ സാമൂഹികനീതി സമിതിയുടെ സ്ത്രീകള്‍, കുട്ടികള്‍, ട്രാന്‍സ്ജെൻഡറുകള്‍ എന്നിവരുമായി ബന്ധപ്പെട്ടുള്ള 20-ാം റിപ്പോര്‍ട്ടില്‍ തദ്ദേശസ്വയംഭരണ സ്ഥാപനങ്ങളുടെ തിരഞ്ഞെടുപ്പില്‍ ട്രാന്‍സ്ജെൻഡറുകള്‍ക്കായി സീറ്റ് സംവരണം ചെയ്യണമെന്ന് ശുപാര്‍ശ ചെയ്യുന്നുണ്ട്. സമീപഭാവിയില്‍ ഇത് നടപ്പാക്കുമെന്നു പ്രതീക്ഷിക്കുന്നതായും അവർ പറഞ്ഞു.