ദുബൈയില്‍ വാഹനം മറിഞ്ഞ്​ അഞ്ചു വയസ്സുകാരിക്ക്​ ദാരുണാന്ത്യം

നാട്ടിൽനിന്ന്​ അവധി കഴിഞ്ഞ്​ തിരികെ വരുന്നതിനിടെ കുടുംബം സഞ്ചരിച്ച വാഹനം അപകടത്തിൽപ്പെട്ട്​ അഞ്ചു വയസ്സുകാരിക്ക്​ ദുബൈയിൽ ദാരുണാന്ത്യം. ഷാര്‍ജ ഇന്ത്യന്‍ സ്‌കൂള്‍ കെ.ജി വണ്‍ വിദ്യാര്‍ഥിനി നയോമി ജോബിനാണ്​ മരിച്ചത്​.

വെള്ളിയാഴ്ച ദുബൈ വിമാനത്താവളത്തില്‍നിന്ന് ഷാർജയിലെ താമസസ്ഥലത്തേക്ക്​ വരുന്നവഴി റാശിദിയയില്‍ വാഹനത്തിന്‍റെ ടയര്‍ പൊട്ടിത്തെറിച്ച്​ മറിയുകയായിരുന്നു. ഗുരുതരമായി പരിക്കേറ്റ കുട്ടിയെ ദുബൈ പൊലീസ്​ ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. വാഹനത്തിലുണ്ടായിരുന്ന മറ്റുള്ളവര്‍ നിസ്സാര പരിക്കുകളോടെ രക്ഷപ്പെട്ടു.