പ്രാദേശിക കേബിൾ ശൃംഖലയ്ക്ക് ദേശീയ രജിസ്‌ട്രേഷനും പ്രസിദ്ധീകരണങ്ങളുടെ രജിസ്‌ട്രേഷന് പ്രസ് സേവാ പോർട്ടലും തുടങ്ങി

ദിനപത്രങ്ങൾ, പ്രസാധകർ, ടി.വി. ചാനലുകൾ എന്നിവയുടെ സുഗമമായ ബിസിനസ് നടത്തിപ്പിനും സർക്കാരിന്റെ വാർത്താവിനിമയ മാർഗങ്ങൾ ശക്തമാക്കുന്നതിനും സർക്കാരിന്റെ പ്രവർത്തനങ്ങളുടെ ആധികാരിക വീഡിയോ ദൃശ്യങ്ങൾ ലഭ്യമാക്കുന്നതിനും ലോക്കൽ കേബിൾ ഓപ്പറേറ്റർമാർക്ക് സമഗ്രമായ ഡേറ്റാ ബേസ് ഒരുക്കുന്നതിനും ലക്ഷ്യമിട്ടാണ് നടപടികളെന്ന് മന്ത്രാലയം പറഞ്ഞു. ദിനപത്രങ്ങളുടെ രജിസ്‌ട്രേഷൻ നടപടികൾ ഏകീകരിക്കുന്നതിനായാണ് പ്രസ് സേവാ പോർട്ടലിന് രൂപംകൊടുത്തത്. 2023-ലെ പ്രസ് ആൻഡ് രജിസ്‌ട്രേഷൻ ഓഫ് പീരിയോഡിക്കൽസ് ആക്ട് 2023 പ്രകാരമാണ് പ്രസ് സേവാപോർട്ടൽ വികസിപ്പിച്ചത്.