കർണാടകത്തിൽ ഇ-മാലിന്യം കൂടുന്നു

ഇ-മാലിന്യം ശരിയായരീതിയിൽ കൈകാര്യംചെയ്യുകയും ശാസ്ത്രീയമായി സംസ്കരിക്കുകയും ചെയ്തില്ലെങ്കിൽ കമ്പനികൾക്കെതിരേ കടുത്ത നടപടിയെടുക്കുമെന്ന് മന്ത്രി ഈശ്വർ ഖൻെഡ്ര അറിയിച്ചു. സംസ്ഥാന മലിനീകരണ നിയന്ത്രണ ബോർഡിലെ ഉദ്യോഗസ്ഥർ, ഇ-മാലിന്യം സംസ്കരിക്കുന്നവർ, പുനഃചംക്രമണ കേന്ദ്രങ്ങൾ എന്നിവരുമായി മന്ത്രി യോഗംചേർന്നു. ഇ-മാലിന്യം സംബന്ധിച്ച നിയമങ്ങൾ കർശനമായി പാലിക്കുന്നുണ്ടെന്ന് ഉറപ്പാക്കാൻ നിർദേശം നൽകിയിട്ടുണ്ട്. ആളൊഴിഞ്ഞ സ്ഥലങ്ങൾ ഇത്തരം മാലിന്യങ്ങൾ തള്ളുന്ന ഇടങ്ങളാകരുതെന്നും മന്ത്രി മുന്നറിയിപ്പ് നൽകിയിട്ടുണ്ട്.