ലോക്‌സഭാ തിരഞ്ഞെടുപ്പ്; തമിഴ്നാട്ടിൽ പാർട്ടികളുടെ ചാക്കിട്ടുപിടിത്തം സജീവം

ബി.ജെ.പി. സംസ്ഥാന അധ്യക്ഷൻ കെ. അണ്ണാമലൈയുമായുള്ള അഭിപ്രായവ്യത്യാസത്തെത്തുടർന്ന് പാർട്ടിവിട്ട നടി ഗായത്രി രഘുറാമിനെയും അണ്ണാ ഡി.എം.കെ. പാർട്ടിയിൽ ചേർത്തു. ബി.ജെ.പി.യിൽ ചേർന്ന മുൻ എം.എൽ.എ.മാരിൽ ഭൂരിപക്ഷവും പ്രായമുള്ളവരാണ്. സജീവരാഷ്ട്രീയത്തിൽനിന്ന്‌ വിരമിച്ച ഈ നേതാക്കൾ പാർട്ടിവിട്ടതുകൊണ്ട് ഒന്നും സംഭവിക്കാനില്ലെന്നാണ് അണ്ണാ ഡി.എം.കെ.യുടെ നിലപാട്. ഇതേസമയം ബി.ജെ.പി.യിൽനിന്ന് തങ്ങൾക്കൊപ്പം ചേർന്നവർ പ്രമുഖരാണെന്നും അണ്ണാ ഡി.എം.കെ. നേതാക്കൾ ചൂണ്ടിക്കാട്ടുന്നു.