രാജ്യത്ത് അമൃത് ഭാരത് പദ്ധതിയിൽ നവീകരിച്ച 550 റെയിൽവേ സ്റ്റേഷനുകളുടെ തറക്കല്ലിടൽ തിങ്കളാഴ്ച പ്രധാനമന്ത്രി നിർവഹിക്കും

2000 റെയിൽവേ സ്റ്റേഷനുകളുമായി ബന്ധപ്പെട്ട് 1500-ഓളം മേൽപ്പാലങ്ങളുടെയും അടിപ്പാതകളുടെയും തറക്കല്ലിടലും പ്രധാനമന്ത്രി വീഡിയോ കോൺഫറൻസിങ്ങിലൂടെ നിർവഹിക്കും. ‘2047-വികസിത് ഭാരതത്തിലെ റെയിൽവേ’ എന്ന വിഷയത്തിൽ ഇന്ത്യൻ റെയിൽവേ 4000 സ്കൂളുകളിലായി സംഘടിപ്പിച്ച പ്രസംഗം, പ്രബന്ധരചന, കവിതാരചന മത്സരങ്ങളിലെ വിജയികളായ 50,000 വിദ്യാർഥികൾക്കുള്ള സമ്മാനവിതരണവും നടക്കും.