തമിഴ്നാട്ടിൽ വിരമിച്ച ഡി.ജി.പി.മാർക്ക് സർക്കാർചെലവിൽ വീട്ടുജോലിക്കാരെ നിയമിക്കാം

 തമിഴ്‌നാട്ടിൽ വിരമിച്ച ഡി.ജി.പി.മാർക്കും സംസ്ഥാനസർക്കാർ ചെലവിൽ വീട്ടുജോലിക്കാരെ നിയമിക്കാം. ഇതിനായി പ്രതിവർഷം 84 ലക്ഷം രൂപ വകയിരുത്തി. പ്രതിമാസം 10,000 രൂപയായിരിക്കും വീട്ടുജോലിക്കാർക്കുള്ള വേതനവിഹിതമായി നൽകുക. നിലവിൽ സംസ്ഥാനത്ത് വിരമിച്ച 70 ഡി.ജി.പി.മാരുണ്ട്. ഇവരുടെ വീടുകളിലെല്ലാം ജോലിക്കാരെ നിയമിക്കുന്നതുവഴി സർക്കാരിന് പ്രതിവർഷം 84 ലക്ഷം രൂപ ചെലവഴിക്കേണ്ടിവരും. പ്രതിമാസവേതനം വീട്ടുജോലിക്കാർക്ക് അവരുടെ ബാങ്ക് അക്കൗണ്ടുകളിലേക്ക് ഓൺലൈനായി ട്രാൻസ്ഫർചെയ്യും. ഇതിനുവേണ്ട എല്ലാ വിശദാംശങ്ങളും നൽകാൻ വിരമിച്ച ഡി.ജി.പി.മാരോട് ആവശ്യപ്പെട്ടു.