ഫലസ്തീനികൾക്ക് കൂടുതൽ സഹായവുമായി യു.എ.ഇ

ഇസ്രായേൽ യുദ്ധത്തിൽ ദുരിതമനുഭവിക്കുന്ന ഫലസ്തീനികൾക്കായി കൂടുതൽ സഹായവുമായി യു.എ.ഇ. സഹായവസ്തുക്കളുമായി 14 ട്രക്കുകളാണ്​ കഴിഞ്ഞ ദിവസം ഗസ്സ മുനമ്പിലേക്ക് പ്രവേശിച്ചത്​. ഗസ്സയിൽ യു.എ.ഇ ഏർപ്പെടുത്തിയ ഫീൽഡ്​ ആശുപത്രി വിപുലീകരിക്കുകയും ചെയ്​തു.

ഈജിപ്തിലെ റഫ അതിർത്തി വഴിയാണ്​ ട്രക്കുകൾ ഗസ്സ മുനമ്പിലെത്തിയത്​​. ഫലസ്തീനികളെ സഹായിക്കുന്നതിനായി യു.എ.ഇ പ്രസിഡന്റ്​ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാൻ പ്രഖ്യാപിച്ച മാനുഷിക സഹായ സംരംഭമായ ‘ഗാലന്‍റ്​ നൈറ്റ്​ 3 യുടെ മേൽനോട്ടത്തിലാണ്​ സഹായം​. ടെന്റുകൾ, മെഡിക്കൽ ഉപകരണങ്ങൾ, ഭക്ഷ്യ വസ്തുക്കൾ എന്നിവ ഉൾപ്പെടെ 300 ടൺ വസ്തുക്കളാണ്​ 14 ട്രക്കുകളിലായുള്ളത്​.