ബെംഗളൂരുവിൽ ബൈക്ക് ഡിവൈഡറിലിടിച്ച് രണ്ടുമലയാളികൾ മരിച്ചു

ബെംഗളൂരു കമ്മനഹള്ളിക്ക് സമീപം റോഡിലെ കുഴി ഒഴിവാക്കുന്നതിനിടെ നിയന്ത്രണംവിട്ട ബൈക്ക് ഡിവൈഡറിലിടിച്ച് രണ്ടു വിദ്യാർഥികൾ മരിച്ചു. കൊല്ലം ഓയൂർ മരുതമൺപള്ളി കല്ലുവിളവീട്ടിൽ ജേക്കബ് ജോർജിന്റെ മകൻ ആൽബി ജി. ജേക്കബ് (20), കൊല്ലം കല്ലുവാതുക്കൽ മേവനക്കോണം വൈഷ്ണവത്തിൽ പരേതനായ സുരേഷ്‌കുമാറിന്റെ മകൻ വിഷ്ണു എസ്. കുമാർ (24) എന്നിവരാണ് മരിച്ചത്. ബെംഗളൂരു കൊത്തന്നൂർ കോശീസ് കോളേജിലെ മൂന്നാംവർഷ ബി.ബി.എ. വിദ്യാർഥികളാണ് ഇരുവരും.