ബ്ലാസ്റ്റേഴ്‌സ് എഫ്.സി. വാഴക്കാട്, അസീസിയ സോക്കറുമായി ഏറ്റുമുട്ടും

റിയാദ്: കുദു കേളി പത്താമത് ഫുട്‌ബോള്‍ ടൂര്‍ണമെന്റിന്റെ ഫൈനല്‍ പോരാട്ടത്തില്‍ ബ്ലാസ്റ്റേഴ്‌സ് എഫ്.സി. വാഴക്കാട്, അസീസിയ സോക്കറുമായി ഏറ്റുമുട്ടും. വെള്ളിയാഴ്ച നടന്ന വാശിയേറിയ സെമി ഫൈനല്‍ പോരാട്ടങ്ങളില്‍ നാലു ടീമുകളും പ്രഗത്ഭരായ താരങ്ങളെയാണ് നാട്ടില്‍നിന്നും സൗദിയുടെ വിവിധ പ്രവിശ്യകളില്‍ നിന്നുമായി കളത്തിലിറക്കിയത്.

ഇസ്സ ഗ്രൂപ്പ് അസീസിയ സോക്കര്‍, മിഡീസ്റ്റ് ഫുഡ് പ്രോഡക്റ്റ് ആന്‍ഡ് ഇമാദ് യൂണിഫോം റെയിന്‍ബോ എഫ്.സിയുമായി ഏറ്റുമുട്ടിയ ആദ്യ സെമിയില്‍ ഏകപക്ഷീയമായ ഒരു ഗോളിന് അസീസിയ സോക്കര്‍ വിജയിച്ചു. കളിയുടെ 48-ആം മിനുട്ടില്‍ ഏഴാം നമ്പര്‍ താരം ഷുഹൈബ് സലാം അസീസിയ സോക്കറിന് വേണ്ടി വിജയ് ഗോള്‍ നേടി. വീറും വാശിയുമേറിയ മത്സരത്തില്‍ ഇരു ടീമുകളും മികച്ച കളിയാണ് കാഴ്ചവെച്ചത്

ആദ്യ സെമിയില്‍ കേളി രക്ഷധികാരി സമിതി അംഗം ചന്ദ്രന്‍ തെരുവത്ത്, കേളി വൈസ് പ്രസിഡന്റ് ഗഫൂര്‍ ആനമങ്ങാട്, ജോയിന്റ് സെക്രട്ടറി മധു ബാലുശ്ശേരി, സംഘാടക സമിതി വൈസ് ചെയര്‍മാന്‍ സെന്‍ ആന്റണി, ടെക്നിക്കല്‍ കമ്മറ്റി അംഗം റാഷിക്, ഫസ്സ് ക്ലാസ്സ് റെന്റെകാര്‍ പ്രതിനിധികളായ ലിനീഷ് കെ.ആര്‍, നൗഷാദ് പി.വി, റോയല്‍ ട്രാവല്‍സ് പ്രതിനിധി സമദ് എന്നിവര്‍ കളിക്കാരുമായി പരിചയപ്പെട്ടു.

ഫോര്‍വേഡ് ലോജസ്റ്റിക് ആന്‍ഡ് റോമ കാസ് ലെ ബ്ലാസ്റ്റേഴ്‌സ് എഫ്‌സി വാഴക്കാട്, ദാറൂപ് മെഡിസിന്‍സ് ആന്‍ഡ് അറഫാ ഗോള്‍ഡ് കൊണ്ടോട്ടി റിയല്‍ കേരള എഫ്‌സിയുമായി ഏറ്റുമുട്ടിയ രണ്ടാം സെമിയില്‍ ഒന്നിനെതിരെ മൂന്ന് ഗോളുകള്‍ക്ക് ബ്ലാസ്റ്റേഴ്‌സ് വാഴക്കാട് വിജയിച്ചു.