ഇടക്കാല ബജറ്റ് ഫെബ്രുവരി ഒന്നിന്

ഫെബ്രുവരി ഒന്നിന് ധനമന്ത്രി പ്രഖ്യാപിക്കുന്ന ഇടക്കാല ബജറ്റ് കൂടുതൽ ജനക്ഷേമ പ്രഖ്യാപനങ്ങൾ നടത്തുമെന്ന പ്രതീക്ഷ വളം, കീടനാശിനി, അഗ്രോടെക്ക്, ട്രാക്ടർ, ധാന്യം, പഞ്ചസാര ഓഹരികൾക്ക് പ്രതീക്ഷയാണ്. വളം നിർമാണ ഓഹരികൾ ബജറ്റ് മുന്നിൽക്കണ്ട് മുന്നേറ്റപാതയിലാണ്. കഴിഞ്ഞ ആഴ്ചയിൽ അഭൂതപൂർവമായ മുന്നേറ്റം നടത്തിയ റെയിൽവേ ഓഹരികൾ ബജറ്റ് പ്രഖ്യാപനം വരെ മുന്നേറ്റ പ്രതീക്ഷയിലാണ്.

ഡിഫൻസ്, റെയിൽ, ഇൻഫ്രാ, സിമന്റ്, മെറ്റൽ, ഇവി സെക്ടറുകളും ബജറ്റിൽ കൂടുതൽ നീക്കിയിരിപ്പുകൾ പ്രതീക്ഷിക്കുന്നു. ഇലക്ട്രിക് വാഹന മേഖലയും, പാരമ്പര്യേതര ഊർജ മേഖലയും ബജറ്റിൽ മുൻഗണന പ്രതീക്ഷിക്കുന്നത് ഓഹരികൾക്ക് അനുകൂലമായേക്കാം. ബാറ്ററി സെക്ടറും കൂടുതൽ ബജറ്റ് പിന്തുണകൾ പ്രതീക്ഷിക്കുന്നു.