മൂവാറ്റുപുഴ: ഇഞ്ചിയോൺ മൊബിലിറ്റിയുമായി സഹകരിച്ച് ഇലക്ട്രിക് സ്കൂട്ടര് നിര്മാതാക്കളായ റിവര് കേരളത്തിലെ തങ്ങളുടെ ഏറ്റവും പുതിയ സ്റ്റോര് മൂവാറ്റുപുഴയിൽ ആരംഭിച്ചു. മൂവാറ്റുപുഴ വാഴപ്പിള്ളി ഷോറൂമിൽ നടന്ന ഉദ്ഘാടന ചടങ്ങില് മൂവാറ്റുപുഴ നഗരസഭ ചെയർപേഴ്സൺ ജോയ്സ് മേരി ആന്റണി, വൈസ് ചെയർമാൻ പി എം അബ്ദുൽ സലാം, ഇഞ്ചിയോൺ മൊബിലിറ്റി മാനേജിങ് ഡയറക്ടർ നയീം ഷാഹുൽ, സിഇഒ അഭിനന്ദ് എ, റിവർ മൊബിലിറ്റി ഡീലർ ഡെവലപ്മെന്റ് സീനിയർ മാനേജർ രഞ്ജന മീന, സൗത്ത് സോണൽ മാനേജർ കൃഷ്ണ ദാസ്, എന്നിവർ പങ്കെടുത്തു. ഇന്ഡി, ആക്സസറികള്, മറ്റ് മെര്ക്കന്റൈസുകള് എന്നിവ ഉള്പ്പെടെയുള്ളവയെല്ലാം ഉപഭോക്താക്കള്ക്ക് റിവര് സ്റ്റോറില് നിന്നും നേരിട്ട് സ്വന്തമാക്കാം.
ഇഞ്ചിയോൺ മൊബിലിറ്റിക്ക് നിലവിൽ ആലുവ, കോട്ടയം, ആലപ്പുഴ എന്നിവിടങ്ങളിൽ റിവർ സ്റ്റോറുകളുണ്ട്. കേരളത്തിലെ ഇലക്ട്രിക് വാഹന വിപണിയിൽ സാന്നിധ്യം ശക്തമാക്കുന്നതിന്റെ ഭാഗമായാണ് പുതിയ ഷോറൂമുകൾ പ്രവർത്തനം ആരംഭിക്കുന്നത്.
ഒറ്റത്തവണ ചാർജ് ചെയ്താൽ ഇൻഡി സ്കൂട്ടറുകൾക്ക് 163 കിലോമീറ്റർ ദൂരം സഞ്ചരിക്കാനാവും. 4 kWh ശേഷിയുള്ള ബാറ്ററി ഉപയോഗിക്കുന്ന സ്കൂട്ടറിന് മണിക്കൂറിൽ 90 കി.മീ വേഗതയുണ്ട്. വെറും 3.7 സെക്കൻഡിനുള്ളിൽ പൂജ്യത്തിൽ നിന്ന് 40 കി.മീ വേഗത കൈവരിക്കാൻ സാധിക്കും. സുരക്ഷയ്ക്കായി ഡിസ്ക് ബ്രേക്കുകൾക്കൊപ്പം കംബൈൻഡ് ബ്രേക്കിംഗ് സിസ്റ്റവും (CBS) ഇതിലുണ്ട്. മള്ട്ടി യൂട്ടിലിറ്റിയും സ്റ്റൈലും ഒരുമിച്ച് ചേരുന്ന സവിശേഷമായ ഡിസൈനോടുകൂടിയെത്തുന്ന ഇന്ഡി ഓരോരുത്തര്ക്കും ഏറ്റവും അനുയോജ്യമായ ട്രാവല് പാര്ട്ണറായിരിക്കും.
1,60,000 രൂപയാണ് ഇന്ഡിയുടെ എക്സ്ഷോറൂം വില. സ്റ്റോര് സന്ദര്ശിച്ച് ഇന്ഡി ടെസ്റ്റ് ഡ്രൈവ് ചെയ്യുവാനും ബുക്ക് ചെയ്യുവാനും ഉപഭോക്താക്കള്ക്ക് സാധിക്കും. ഒപ്പം മറ്റ് ആക്സസറികളും മെര്ക്കന്റൈസുകളും പരിചയപ്പെടുകയും വാങ്ങിക്കുകയും ചെയ്യാം.
ഓണാഘോഷത്തോടനുബന്ധിച്ച് ഉപഭോക്താക്കൾക്കായി ആകർഷകമായ ഓഫറുകളും റിവർ പ്രഖ്യാപിച്ചിട്ടുണ്ട്. പഴയ വാഹനം മാറ്റി വാങ്ങുന്നവർക്ക് 3,000 രൂപ വരെ എക്സ്ചേഞ്ച് ബോണസ്, പോലീസ് ഉദ്യോഗസ്ഥർക്കും മറ്റ് സേനാവിഭാഗങ്ങളിലുള്ളവർക്കും 5,000 രൂപ വരെ പ്രത്യേക കിഴിവ്, തിരഞ്ഞെടുത്ത ക്രെഡിറ്റ് കാർഡുകൾ വഴി വാങ്ങുമ്പോൾ 7,500 രൂപ വരെ ഡിസ്കൗണ്ട് എന്നിങ്ങനെയാണ് ഓഫറുകൾ. കൂടാതെ ഓരോ സ്കൂട്ടറുകൾ വാങ്ങുമ്പോഴും 2 ഹെൽമെറ്റുകളും 1 സീറ്റ് കവറും സൗജന്യമായി ലഭിക്കുകയും ചെയ്യും. ഓഗസ്റ്റ് 31 വരെ ഓഫറുകൾ ലഭ്യമായിരിക്കും.
കൂടുതൽ വിവരങ്ങൾക്കായി +91 7511100300 എന്ന നമ്പറിൽ ബന്ധപ്പെടുക. വാഹനങ്ങളുടെ മെയിന്റനൻസിനും അറ്റകുറ്റപ്പണികൾക്കുമായി മൂവാറ്റുപുഴ പ്രത്യേക സർവീസ് സെന്റർ സൗകര്യവും സജ്ജമാക്കിയിട്ടുണ്ട്.