സ്ത്രീകള്‍ക്കും സൈനിക സേവനം നിര്‍ബന്ധമാക്കി ഡെന്‍മാര്‍ക്ക്

ഡെന്‍മാര്‍ക്കില്‍ ഇനി മുതല്‍ സ്ത്രീകള്‍ക്കും സൈനിക സേവനം നിര്‍ബന്ധമാക്കുന്നു. ഏതാനും ആഴ്ചകള്‍ക്ക് മുമ്പാണ് ഡെന്‍മാര്‍ക്ക് പാര്‍ലമെന്റ് പ്രസക്തമായ നിയമത്തില്‍ ചില ഭേദഗതികള്‍ വരുത്തിയത്. ഈ നിയമം പ്രാബല്യത്തില്‍ വരുന്നതോടെ ഡെന്‍മാര്‍ക്കിലെ സ്ത്രീകള്‍ സൈനിക സേവനത്തിനായി മുന്നിട്ടിറങ്ങേണ്ടിവരും. 2022 ഫെബ്രുവരിയില്‍ യുക്രെയ്ന്‍ സംഘര്‍ഷം രൂക്ഷമായതിനുശേഷം റഷ്യയില്‍ നിന്നുള്ള ഭീഷണിയുണ്ടെന്ന് ചൂണ്ടിക്കാട്ടി, ഡെന്‍മാര്‍ക്ക് അംഗമായ നാറ്റോ, സൈനിക സന്നദ്ധത വര്‍ദ്ധിപ്പിക്കുന്നതിനിടെയാണ് ഇപ്പോള്‍ ഈ പുതിയ നീക്കം വന്നിരിക്കുന്നത്. പുതുതായി അംഗീകരിച്ച ഡാനിഷ് നിയമനിര്‍മ്മാണം ‘സൈനിക സേവനവുമായി ബന്ധപ്പെട്ട് പുരുഷന്മാര്‍ക്കും സ്ത്രീകള്‍ക്കും ഇടയില്‍ പൂര്‍ണ്ണ സമത്വം’ അനുശാസിക്കുന്നു. ‘ 2025 ജൂലൈ 1-നോ അതിനുശേഷമോ 18 വയസ്സ് തികയുന്ന സ്ത്രീകള്‍ സൈന്യത്തില്‍ ചേര്‍ന്നുപ്രവര്‍ത്തിക്കണം. പുരുഷന്മാരുടെ അതേ സാഹചര്യങ്ങളില്‍ സ്ത്രീകള്‍ സൈനിക സേവനത്തിന് വിധേയരാകേണ്ടിവരും.

നിര്‍ബന്ധിത സേവന കാലയളവ് നാല് മാസത്തില്‍ നിന്ന് പതിനൊന്ന് മാസമായി വര്‍ദ്ധിപ്പിക്കാനും ബില്‍ വ്യവസ്ഥ ചെയ്തതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. സ്ത്രീകളെ സൈന്യത്തില്‍ ചേര്‍ക്കണമെന്ന് യുക്രെയ്ന്‍ ആവശ്യപ്പെടുന്നുണ്ട്. ഇതിനുകാരണം, ഡെന്മാര്‍ക്കിന്റെ സായുധ സേന വളണ്ടിയര്‍മാരെയും നിര്‍ബന്ധിത സൈനികരെയും യുക്രെയ്ന്‍ ആശ്രയിക്കുന്നു എന്നതാണ്. വളണ്ടിയര്‍മാരുടെ എണ്ണം കുറയുമ്പോള്‍ അവരെയാണ് യുക്രെയ്ന്‍ സൈനിക സേവനത്തിനായി വിളിക്കുന്നത്.

2024-ല്‍ ഡെന്‍മാര്‍ക്കില്‍ ഏകദേശം 4,700 പേര്‍ സൈനിക സേവനം പൂര്‍ത്തിയാക്കി, ഇതില്‍ ഏകദേശം 24% സ്ത്രീകളാണ്. ലിംഗ സമത്വമില്ല, എല്ലാവര്‍ക്കും പൂര്‍ണ്ണ സമത്വം’ എന്നതിനായുള്ള നീക്കത്തിന്റെ ഭാഗമായി സ്ത്രീകളെ നിര്‍ബന്ധിത സൈനിക സേവനത്തിലേക്ക് കൊണ്ടുവരാനുള്ള പദ്ധതികള്‍ പ്രധാനമന്ത്രി മെറ്റ് ഫ്രെഡറിക്സെന്‍ മാര്‍ച്ചില്‍ പ്രഖ്യാപിച്ചിരുന്നു. അതേസമയം, മറ്റൊരു നാറ്റോ അംഗരാജ്യമായ ലാത്വിയ 2028 ഓടെ സ്ത്രീകളെ നിര്‍ബന്ധിത സൈനിക സേവനത്തിലേക്ക് മാറ്റാന്‍ പദ്ധതിയിടുന്നതായും വിവരമുണ്ട്. അതേസമയം, കഴിഞ്ഞയാഴ്ച ഹേഗില്‍ നടന്ന നാറ്റോ രാജ്യങ്ങളുടെ ഉച്ചകോടിയില്‍, അംഗരാജ്യങ്ങള്‍ പ്രതിരോധ ചെലവ് വര്‍ദ്ധിപ്പിക്കാന്‍ സമ്മതം അറിയിച്ചിരുന്നു. മെയ് മാസത്തില്‍, യൂറോപ്യന്‍ യൂണിയന്‍ സ്വന്തം സൈനിക ശേഷി വര്‍ദ്ധിപ്പിക്കുന്നതിനായി 150 ബില്യണ്‍ യൂറോ (171 ബില്യണ്‍ ഡോളര്‍) കടമെടുക്കല്‍ പദ്ധതിക്ക് അംഗീകാരം നല്‍കി. റഷ്യയെ ഭയന്നാണ് നാറ്റോ-യൂറോപ്യന്‍ രാജ്യങ്ങള്‍ പ്രതിരോധ ചെലവ് വര്‍ദ്ധിപ്പിച്ചിരിക്കുന്നത്.