ഐക്യു ഇസഡ്10 ലൈറ്റ് 5ജി ലോഞ്ച് ജൂൺ 18ന്

ഐക്യു തങ്ങളുടെ പുതിയ ബജറ്റ് സ്മാർട്ട്‌ഫോണായ iQOO Z10 Lite 5G-ജിയുടെ ഇന്ത്യയിലെ ലോഞ്ച് തീയതി പ്രഖ്യാപിച്ചു. ഈ ഫോൺ 2025 ജൂൺ 18ന് ഇന്ത്യൻ വിപണിയിൽ അവതരിപ്പിക്കും. ഐക്യു ഫോൺ ബ്രാൻഡിന്‍റെ ഇസഡ്10 സിരീസ് നിരയിൽ ഈ പുത്തന്‍ മോഡല്‍ ചേരും. ഈ വർഷം ആദ്യം ഏപ്രിലിൽ പുറത്തിറക്കിയ ഐക്യുഒ ഇസഡ്10, ഇസഡ് 10x മോഡലുകൾ ഇതിൽ ഉൾപ്പെടുന്നു. എക്‌സിലെ ഒരു പോസ്റ്റ് വഴിയാണ് കമ്പനി പുതിയ ലൈറ്റ് പുറത്തിറങ്ങാൻ പോകുന്നുവെന്ന കാര്യം പ്രഖ്യാപിച്ചത്.

പുതിയ ഐക്യു ഇസഡ്10 ലൈറ്റില്‍ 6000 എംഎഎച്ച് ബാറ്ററി ലഭിക്കും. 10,000 രൂപയിൽ താഴെ വിലയിൽ ആയിരിക്കും ഈ സ്മാർട്ട്‌ഫോൺ എത്തുക എന്ന് ഐക്യു സൂചന നൽകിയിട്ടുണ്ട്. ശക്തമായ ബാറ്ററി ലൈഫും 5ജി കണക്റ്റിവിറ്റിയും ആഗ്രഹിക്കുന്ന ബജറ്റ് അവബോധമുള്ള ഉപഭോക്താക്കൾക്കിടയിൽ ഈ വിലനിർണ്ണയം ഇസഡ്10 ലൈറ്റിന് മുൻഗണന നൽകും. ഇസഡ്10 ലൈറ്റിന് ഡ്യുവൽ റിയർ ക്യാമറ സജ്ജീകരണം ലഭിക്കും എന്നാണ് റിപ്പോർട്ടുകൾ. ഫോണിന്‍റെ മുകളിലെ അറ്റത്ത് ഒരു സ്പീക്കർ ഗ്രില്ലും വലതുവശത്ത് സ്റ്റാൻഡേർഡ് വോളിയം, പവർ ബട്ടണുകളും ഉണ്ട്.