വേനൽച്ചൂട് ;കുവൈത്തിൽ ഡെലിവറി ബൈക്കുകൾക്ക് പകൽ സമയങ്ങളിൽ നിയന്ത്രണം

നിയമം ലംഘിക്കുന്നവർക്കെതിരെ കർശന നടപടിയെടുക്കുമെന്നും, ‘പെർമിറ്റ് വ്യവസ്ഥകളുടെ ലംഘനം’ ആയി കണക്കാക്കി പിഴ ചുമത്തുമെന്നും മന്ത്രാലയം വ്യക്തമാക്കിയിട്ടുണ്ട്. മോട്ടോർ സൈക്കിൾ ഓടിക്കുന്നവരുടെ ആരോഗ്യവും സുരക്ഷയും ഉറപ്പാക്കുന്നതിനാണ് ഈ നടപടിയെന്നും ആഭ്യന്തര മന്ത്രാലയം വ്യക്തമാക്കി. രാജ്യം നിലവിൽ പൊള്ളുന്ന വേനലിലൂടെയാണ് കടന്നുപോകുന്നത്. കഴിഞ്ഞ ദിവസങ്ങളിൽ വിവിധിടങ്ങളിൽ താപനില 50 ഡിഗ്രി സെൽഷ്യസിനടുത്ത് രേഖപ്പെടുത്തിയിരുന്നു. തുറസ്സായ സ്ഥലങ്ങളിൽ ജോലി ചെയ്യുന്ന തൊഴിലാളികൾക്കായി ഉച്ചവിശ്രമ നിയമം പ്രഖ്യാപിച്ചതിന് പിന്നാലെയാണ് ഡെലിവറി റൈഡർമാരുടെ സുരക്ഷക്കായി ഈ പുതിയ നിയന്ത്രണം.