മോഹൻലാൽ ചിത്രം ‘തുടരും’ ഒ.ടി.ടിയിലെത്താൻ വൈകും

മോഹൻലാലിന്റെ ഏറ്റവും പുതിയ ചിത്രമായ ‘തുടരും’ റിലീസ് ചെയ്ത് ആഴ്ചകൾ കഴിഞ്ഞിട്ടും ബോക്സ് ഓഫിസിൽ ആധിപത്യം പുലർത്തുന്നത് തുടരുകയാണ്. ഏപ്രിൽ 25 ന് പുറത്തിറങ്ങിയ ചിത്രം കേരളത്തിൽ മാത്രം 100 കോടി കടന്ന് ചരിത്രം സൃഷ്ടിച്ചു. ആഗോളതലത്തിൽ മൊത്ത കളക്ഷൻ 220 കോടി രൂപ കവിഞ്ഞതിനാൽ, ചിത്രത്തിന്റെ തിയേറ്റർ റൺ നീട്ടാൻ നിർമാതാക്കൾ തീരുമാനിച്ചു എന്നാണ് വിവരം. അതുകൊണ്ട് തന്നെ ചിത്രം ഒ.ടി.ടിയിലെത്താൻ വൈകിയേക്കും.

മോഹൻലാലിന്‍റെ കരിയറിലെ 360-മത്തെ സിനിമയാണിത്. ഫാമിലി ഡ്രാമ സ്വഭാവത്തിൽ ഒരുങ്ങിയ സിനിമയിൽ ഒരു ടാക്സി ഡ്രൈവറുടെ വേഷത്തിലാണ് മോഹൻലാൽ എത്തുന്നത്. വൻ തുകക്കാണ് ഹോട്‍സ്റ്റാര്‍ ചിത്രത്തിന്റെ ഒ.ടി.ടി റൈറ്റ്‍സ് നേടിയിരിക്കുന്നത് എന്നാണ് റിപ്പോര്‍ട്ട്. ജേക്‍സ് ബിജോയ്‍ ആണ് ചിത്രത്തില്‍ സംഗീതം ഒരുക്കിയിരിക്കുന്നത്.