ഇടുക്കി മെഡിക്കല്‍ കോളേജില്‍ ഹാഫ് ബര്‍ത്ത്‌ഡേ വെല്‍നസ് ക്ലിനിക്ക് തുടങ്ങി

ഇടുക്കി മെഡിക്കല്‍ കോളേജില്‍ ഹാഫ് ബര്‍ത്ത്‌ഡേ വെല്‍നസ് ക്ലിനിക്ക് പ്രവര്‍ത്തനം ആരംഭിച്ചു. കുഞ്ഞുങ്ങളുടെ അരവയസില്‍ ആരോഗ്യ പരിശോധനയും വളര്‍ച്ചയുടെ നിരീക്ഷണവും മാതാപിതാക്കളുമായി സജീവ ഇടപെടലും നടത്തി അവരെ ആരോഗ്യമുള്ളവരാക്കുകയാണ് പദ്ധതിയുടെ ലക്ഷ്യം.
കുട്ടിയുടെ ആദ്യ ആറ് മാസം അതീവ പ്രധാനമായതിനാല്‍ തുടര്‍ച്ചയായ ആരോഗ്യ പരിശോധനകള്‍, വളര്‍ച്ചാ നിരീക്ഷണം, പോഷണ പരിശീലനങ്ങള്‍, പ്രതിരോധ കുത്തിവയ്പ്പുകളെ കുറിച്ചുള്ള അറിവുകള്‍, കുട്ടിയുടെ ഡവലപ്‌മെന്റ് സ്‌ക്രീനിംഗ് എന്നിവ നല്‍കുന്നതിനായി ആവിഷ്‌കരിച്ചിട്ടുള്ളതാണ് ഹാഫ് ബര്‍ത്ത്‌ഡേ വെല്‍നസ് ക്ലിനിക്ക്. എല്ലാ മാസവും മൂന്നാമത്തെ ബുധനാഴ്ച പീഡിയാട്രിക് ഒ.പിയോട് ചേര്‍ന്ന് രാവിലെ 10 മണി മുതലാണ് ക്ലിനിക്കിന്റെ പ്രവര്‍ത്തനം.