കഞ്ചാവുമായി ഒരാൾ പോലീസ് കസ്റ്റഡിയിൽ

തിരുവനന്തപുരം: കഞ്ചാവുമായി ഒരാൾ പോലീസ് കസ്റ്റഡിയിൽ. തമ്പാനൂർ ബസ് സ്റ്റാൻഡിന് സമീപത്ത് നിന്നുമാണ് ബംഗാൾ സ്വദേശിയായ രത്തൻ നാമദാസിനെ (35) കസ്റ്റഡിയിലെടുക്കുന്നത്. പൊലീസിന് ലഭിച്ച രഹസ്യ വിവരത്തിന്‍റെ അടിസ്ഥാനത്തിലായിരുന്നു പരിശോധന.

തമ്പാനൂർ സുലഭ് കംഫർട്ട് സ്റ്റേഷൻ സമീപത്ത് നിന്നും സംശയം തോന്നി രത്തൻ നാമദാസിന്‍റെ ബാഗ് പരിശോധിച്ചപ്പോഴാണ് കഞ്ചാവ് കണ്ടെത്തിയത്. രണ്ടു പൊതികളിലായി ബ്രൗൺ മാസ്കിങ് ടേപ്പ് ചുറ്റി സൂക്ഷിച്ച നിലയിൽ 7.245 കിലോ കഞ്ചാവാണ് കണ്ടെത്തിയത്.