വടകരയിൽ കാറും ട്രാവലറും കൂട്ടിയിടിച്ച് നാലു പേർ മരിച്ചു

കോഴിക്കോട്; വടകരയിൽ മൂരാട് പാലത്തിന് സമീപം കാറും ട്രാവലറും കൂട്ടിയിടിച്ച് നാലു പേർ മരിച്ചു. ചോറോട് സ്വദേശികളായ കാർ യാത്രക്കാരാണ് മരിച്ചത്. കാർ വെട്ടിപ്പൊളിച്ചാണ് യാത്രക്കാരെ പുറത്തെടുത്തത്.

ഇന്ന് വൈകുന്നേരം 4.15ഓടെയാണ് അപകടം. പെട്രോൾ പമ്പിൽനിന്ന് ഇന്ധനം നിറച്ച് പ്രധാന റോഡിലേക്ക് കാർ ഇറങ്ങവെയായിരുന്നു സംഭവം. പയ്യോളി ഭാഗത്തേക്ക് പോകുകയായിരുന്നു കാർ.

വടകര സഹകരണ ആശുപത്രിയിലാണ് മൃതദേഹങ്ങൾ ഉള്ളത്. ഇൻക്വസ്റ്റ് നടപടികൾക്ക് ശേഷം ജില്ല ആശുപത്രിയിലേക്ക് മാറ്റും. തുടർന്നാണ് പോസ്റ്റുമോർട്ടം നടപടികൾ ഉണ്ടാകുക.