നിയന്ത്രണം വിട്ട ബസ് വഴിയോരത്ത് കിടന്നുറങ്ങിയ വയോധികന് മേൽ കയറിയിറങ്ങി, ദാരുണാന്ത്യം

പാലക്കാട്: നിയന്ത്രണം നഷ്ടപെട്ട ബസ് വഴിയോരത്ത് കിടന്നുറങ്ങിയ വയോധികന് മേൽ കയറി ദാരുണാന്ത്യം. ചന്ദ്രനഗറിൽ ഇന്ന് രാവിലെയാണ് ദാരുണ സംഭവമുണ്ടായത്. ബംഗളുരുവിൽ നിന്നും പാലക്കാട് ഭാഗത്തേക്ക് വന്ന ബസ് നിയന്ത്രണം വിട്ട് , വഴിയരികിൽ കിടന്ന വയോധികന്റ ശരീരത്തിലൂടെ കയറുകയായിരുന്നു.

തമിഴ്നാട് സ്വദേശിയെന്ന് കരുതുന്ന വ്യക്തിയെ തിരിച്ചറിഞ്ഞിട്ടില്ല. പൊലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. മൃതദേഹം ജില്ലാ ആശുപത്രിയിലേക്ക് മാറ്റി.