മയക്കുമരുന്നുമായി യുവാവ് പോലീസിന്റെ പിടിയിൽ

ആലപ്പുഴ: എം.ഡി.എം.എയും ഹെറോയിനും അടക്കമുള്ള മയക്കുമരുന്നുമായി യുവാവ് പിടിയിൽ. എറണാകുളം തോപ്പുംപടി ഭാഗം പ്ലാപ്പള്ളി വീട്ടിൽ സനീഷ് ( 40) ആണ് പിടിയിലായത്.

കഴിഞ്ഞ വെള്ളിയാഴ്ച വൈകിട്ട് 5.15ന് തൃച്ചാറ്റുകളും ജംഗ്ഷന് സമീപം ഇരുചക്ര വാഹനങ്ങൾ കൂട്ടിമുട്ടിച്ചു. ഇതേ തുടർന്നുണ്ടായ തർക്കത്തിൽ സ്ഥലത്തെത്തിയ പൊലീസ് നടത്തിയ പരിശോധനയിലാണ് യുവാവിന്റെ പക്കൽ നിന്ന് 9.53ഗ്രാം എം.ഡി.എം.എയും 6.41 ഗ്രാം ഹെറോയിനും കണ്ടെത്തിയത്. ചേർത്തല ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയിൽ ഹാജരാക്കി.