ബിഹാറിൽ വിവാഹ പാർട്ടിക്കിടെ വെടിവയ്പ്പ്; 2 പേർ കൊല്ലപ്പെട്ടു

പട്ന : ബിഹാറിൽ വിവാ​ഹ പാർടിക്കിടെയുണ്ടായ വെടിവയ്പിൽ രണ്ടുപേർ കൊല്ലപ്പെട്ടു. അഞ്ച് പേർക്ക് പരിക്കേറ്റു. ഭോജ്പൂർ ജില്ലയിലെ ലഹാർപ വില്ലേജിൽ ഞായർ രാത്രിയാണ് സംഭവം. വാഹനം പാർക്ക് ചെയ്യുന്നതിനെച്ചൊല്ലിയുണ്ടായ തർക്കമാണ് സംഘർഷത്തിലും കൊലയിലും കലാശിച്ചത്.

പാർക്കിങ്ങിന്റെ പേരിൽ തർക്കമുണ്ടായതോടെ ഇരു സംഘങ്ങളും ചേരി തിരിഞ്ഞ് വെടിവയ്ക്കുകയായിരുന്നു. ഒരാൾ സംഭവസ്ഥലത്തുവച്ചും മറ്റൊരാൾ ആശുപത്രിയിലേക്ക് പോകുന്ന വഴിയിലുമാണ് മരിച്ചത്. ലവ്കുശ്, രാഹുൽ എന്നിവരാണ് കൊല്ലപ്പെട്ടതെന്നാണ് വിവരം. വെടിയേറ്റ അഞ്ചുപേർ ആരയിലെ ആശുപത്രിയിൽ ചികിത്സയിലാണ്.