ഖത്തറില്‍ സര്‍ക്കാര്‍, പൊതുമേഖലാ സ്‌കൂളുകളിൽ പ്രവാസികള്‍ക്കും തൊഴിലവസരം

ഖത്തറില്‍ സര്‍ക്കാര്‍, പൊതുമേഖലാ സ്‌കൂളുകളിൽ പ്രവാസികള്‍ക്കും തൊഴിലവസരം. രാജ്യത്തെ പൗരന്മാര്‍ക്കും താമസക്കാര്‍ക്കുമായി പൊതുവിദ്യാലയങ്ങളില്‍ അനുവദിച്ചിട്ടുള്ള തൊഴില്‍ ഒഴിവുകള്‍ ഖത്തര്‍ വിദ്യാഭ്യാസ, ഉന്നത വിദ്യാഭ്യാസ മന്ത്രാലയം പ്രഖ്യാപിച്ചു. പൊതുവിദ്യാലയങ്ങളിലെ അഡ്മിനിസ്‌ട്രേറ്റീവ്, അക്കാദമിക് തസ്തികകളിലെ ഒഴിവുകളാണ് മന്ത്രാലയം സോഷ്യല്‍ പ്ലാറ്റ്ഫോമുകള്‍ വഴി പ്രഖ്യാപിച്ചത്.

യോ​ഗ്യ​രാ​യ സ്വ​ദേ​ശി​ക​ൾ​ക്കും പ്ര​വാ​സി​ക​ൾ​ക്കും ​തൊ​ഴി​ൽ അ​വ​സ​ര​ത്തി​നാ​യി അ​പേ​ക്ഷി​ക്കാ​മെ​ന്ന് വി​ദ്യാ​ഭ്യാ​സ മ​ന്ത്രാ​ല​യം അ​റി​യി​ച്ചു. സ്വ​ദേ​ശി​ക​ൾ​ക്ക് മ​ന്ത്രാ​ല​യ​ത്തി​ന്റെ ‘ക​വാ​ദി​ർ’ പ്ലാ​റ്റ് ഫോം ​വ​ഴി​യും രാജ്യത്തെ താ​മ​സ​ക്കാ​രാ​യ പ്ര​വാ​സി​ക​ൾ​ക്ക് ‘തൗ​തീ​ഫ്’ പ്ലാ​റ്റ്ഫോം (tawtheef.edu.gov.qa) വ​ഴി​യും ജോ​ലി​ക്കാ​യി അപേക്ഷിക്കാവുന്നതാണ്.