ഖത്തർ അമീറിന്റെ റഷ്യൻ സന്ദർശനത്തിന് തുടക്കമായി

ഖത്തർ അമീർ ശൈഖ് തമീം ബിൻ ഹമദ് ആൽഥാനിയുടെ റഷ്യൻ സന്ദർശനത്തിന് തുടക്കമായി. വ്യാഴാഴ്ച രാവിലെ മോസ്കോയിലെ നുകോവോ അന്താരാഷ്ട്ര വിമാനത്താവളത്തിലെത്തിയ അമീറിന്റെ റഷ്യൻ ഉപപ്രധാനമന്ത്രി ഡെനിസ് മതുറോവിന്റെ നേതൃത്വത്തിൽ സ്വീകരിച്ചു.

ഖത്തർ പ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിൻ അബ്ദുൽറഹ്മാൻ ആൽഥാനി ഉൾപ്പെടെ ഉന്നത സംഘം അമീറിനെ സന്ദർശനത്തിൽ അനുഗമിക്കുന്നുണ്ട്. ഔദ്യോഗിക ചടങ്ങുകളോടെയായിരുന്നു റഷ്യൻ മണ്ണിലേക്ക് അമീറിനെ വ​രവേറ്റത്.പ്രസിഡന്‍റ് വ്ലാദിമിർ പുടിനുമായി അമീർ വ്യാഴാഴ്ച കൂടികാഴ്ച നടത്തും.