ഭക്ഷ്യ ടൂറിസം രംഗത്ത് ലോകത്ത് മുൻനിരയിലെത്തി ദുബായ്

ലോകത്ത് അതിവേഗത്തിൽ വളരുന്ന ഗ്യാസ്‌ട്രോണമി കാപിറ്റൽ എന്നാണ് റിപ്പോർട്ടിൽ ദുബായ് നഗരത്തെ വിശേഷിപ്പിക്കുന്നത്. 2024-ൽ 1200 പുതിയ റസ്റ്ററന്റ് ലൈസൻസുകൾ എമിറേറ്റിൽ അനുവദിച്ചു. റസ്റ്ററന്റുകൾ, പാചകരീതികൾ എന്നിവയിൽ ആഗോളതലത്തിൽ പാരീസിനുശേഷം ദുബായ് എത്തി. ലണ്ടൻ, ന്യൂയോർക്ക്, ടോക്കിയോ തുടങ്ങിയ പ്രമുഖ നഗരങ്ങളെ മറികടന്നാണ് ദുബായ് രണ്ടാം സ്ഥാനത്തെത്തിയത്. അതേസമയം ഭക്ഷണ വൈവിധ്യങ്ങളുടെ കാര്യത്തിൽ ദുബായ് പാരീസിനെയും സിങ്കപ്പൂരിനെയും മറികടന്ന് പട്ടികയിൽ ഒന്നാമതാണ്.