ഐക്യൂ ഇസഡ് 10എക്സ് 5ജി ഇന്ത്യയിൽ അവതരിപ്പിച്ചു

ഐക്യൂ ഇസഡ് 10എക്സ് 5ജി ഇന്ത്യയിൽ അവതരിപ്പിച്ചു.ഇതോടൊപ്പം തന്നെ ഐക്യൂ ഇസഡ്10 5ജിയും ലോഞ്ച് ചെയ്തു. 25000 രൂപയിൽ താഴെ വിലയുള്ള സ്മാർട്ട്ഫോണുകളുടെ വിഭാഗത്തിലാണ് ഇസഡ്10 5ജി എത്തിയിരിക്കുന്നത്. എങ്കിലും തുടക്കത്തിൽ 19999 രൂപയ്ക്ക് ഇസഡ്10 അ‌ടിസ്ഥാന മോഡൽ വാങ്ങാനാകും.

കഴിഞ്ഞ വർഷത്തെ ഐക്യൂ ഇസഡ്9എക്സ് 5ജി യുടെ പിൻഗാമിയാണ് പുതിയ Z10x 5ജി. 20000 രൂപ മുടക്കി സ്മാർട്ട്ഫോൺ വാങ്ങാൻ കഴിയാത്തവർക്ക് ​ധൈര്യപൂർവം തെരഞ്ഞെടുക്കാൻ കഴിയുന്ന ഒരു ഓപ്ഷൻ എന്ന നിലയ്ക്ക് ഐക്യൂഇസഡ്10എക്സ് 5ജിയെ കാണാം. കാരണം ഇതിന്റെ അ‌ടിസ്ഥാന മോഡൽ ലോഞ്ച് ഓഫർ സഹിതം 12499 രൂപയ്ക്ക് തുടക്കത്തിൽ വാങ്ങാനാകും. ഇത്ര കുറഞ്ഞ വിലയിൽ എത്തുമ്പോഴും ഇതിലെ ഫീച്ചറുകൾ ഒട്ടും കുറയുന്നില്ല.

ഐക്യൂ ഇസഡ്10എക്സ് 5ജിയുടെ പ്രധാന ഫീച്ചറുകൾ: 120Hz റിഫ്രഷ് റേറ്റ് ഉള്ള 6.72 ഇഞ്ച് (2408×1080 പിക്സലുകൾ) + സ്ക്രീൻ, 1050 nits വരെ പീക്ക് ബ്രൈറ്റ്നസ് എന്നിവ ഇതിലുണ്ട്. 2.5GHz ഒക്ട കോർ മീഡിയടെക് ഡൈമെൻസിറ്റി 7300 ചിപ്സെറ്റ് കരുത്തിലാണ് ഈ ഫോൺ എത്തുന്നത്.