സൗദിയിൽ പുതിയ എണ്ണ, വാതക പാടങ്ങൾ കണ്ടെത്തി

സൗദിയിൽ 14 പുതിയ എണ്ണ, വാതക പാടങ്ങൾ കണ്ടെത്തി. രാജ്യത്തിന്റെ കിഴക്കൻ മേഖലയിലും എംപ്റ്റി ക്വാർട്ടറിലുമായാണ് എണ്ണ, പ്രകൃതിവാതക പാടങ്ങളും വാതക ശേഖരവും കണ്ടെത്തിയതെന്നു സൗദി പ്രസ് ഏജൻസി അറിയിച്ചു.6 പാടങ്ങളിലും 2 റിസർവോയറുകളിലുമായി ദിവസേന 8,126 ബാരൽ എണ്ണ ഉൽപാദിപ്പിക്കാനാകും.

മറ്റു 2 പാടങ്ങളിലും 4 റിസർവോയറുകളിലുമായി പ്രതിദിനം 8.05 കോടി സ്റ്റാൻഡേഡ് ക്യുബിക് അടി പ്രകൃതിവാതകവും ഉൽപാദിപ്പിക്കാനാകും. എണ്ണപ്പാടങ്ങളിൽനിന്നും റിസർവോയറുകളിൽ നിന്നുമായി 21.1 ലക്ഷം ക്യുബിക് അടി അനുബന്ധ വാതകവും ലഭിക്കും.