സൗദിയിൽ ഡെലിവറി ഓർഡറുകളുടെ എണ്ണം 29 കോടി കടന്നു

സൗദിയിൽ ഡെലിവറി ഓർഡറുകളുടെ എണ്ണം 29 കോടി കടന്നതായി കണക്കുകൾ. ഓർഡറുകളുടെ എണ്ണത്തിൽ തലസ്ഥാനമായ റിയാദാണ് മുന്നിൽ. 2023ലെ കണക്കുകളാണ് പുറത്തുവന്നത്. 45.3% വളർച്ചയോടെ റിയാദിലാണ് ഏറ്റവും കൂടുതൽ ഓർഡറുകൾ. 22.7% വളർച്ചയോടെ മക്കയാണ് തൊട്ടുപുറകിൽ. കിഴക്കൻ പ്രവിശ്യ, മദീന എന്നിവിടങ്ങളിലും ഓർഡറുകളുടെ എണ്ണം വർധിച്ചു.

സ്മാർട്ട് ആപ്പുകൾ വികസിച്ചതോടെയാണ് ഓർഡറുകളുടെ എണ്ണം വർധിച്ചത്. ഡെലിവറി മേഖലയിൽ 50ലധികം അംഗീകൃത കമ്പനികൾ നിലവിൽ പ്രവർത്തിക്കുന്നുണ്ട്. മേഖലയെ പ്രോത്സാഹിപ്പിക്കുന്നതിന്റെ ഭാഗമായി നിരവധി നിയമ വ്യവസ്ഥകളും നടപ്പാക്കിയിരുന്നു.