അബുദാബിയിൽ വ്യാപക പൊതു ശുചീകരണ സംരംഭത്തിന് തുടക്കം

അബുദാബിയിൽ വ്യാപക പൊതു ശുചീകരണ സംരംഭത്തിന് തുടക്കമിട്ട് ഡിഎംടി.പരിസ്ഥിതി സുസ്ഥിരതയ്ക്കും ജീവിത നിലവാരത്തിനും മുൻഗണന നൽകുന്ന ആഗോള കേന്ദ്രമെന്ന പദവി നിലനിർത്താനുള്ള എമിറേറ്റിന്റെ വിശാലമായ കാഴ്ചപ്പാടിന്റെ ഭാഗമാണിത്.പദ്ധതിയുടെ ആദ്യ ഘട്ടത്തിൽ 600-ലേറെ പ്രത്യേക വാഹനങ്ങളും 2,800 ജീവനക്കാരുമാണ് ശുചീകരണം നടത്തുന്നത്.

നഗരഹൃദയത്തിലെയും ഉൾപ്രദേശങ്ങളിലെയും റോഡുകൾ, സർക്കാർ കെട്ടിടങ്ങൾ,വിപണികൾ, പാലങ്ങൾ, തുരങ്കങ്ങൾ, ബീച്ചുകൾ, ദ്വീപുകൾ തുടങ്ങിയ അവശ്യ മേഖലകളിൽ ശുചീകരണത്തിനായി വാഹനങ്ങളെയും ജീവനക്കാരെയും വിന്യസിക്കും. പ്രത്യേക പരിപാടികൾക്കുള്ള പിന്തുണയും തുറസ്സായ സ്ഥലങ്ങളിൽ നിന്നുള്ള മാലിന്യങ്ങൾ നീക്കം ചെയ്യുന്നതും അബുദാബി ശുചിത്വമുള്ളതും താമസക്കാർക്കും തൊഴിലാളികൾക്കും സന്ദർശകർക്കും ഒരുപോലെ സ്വാഗതാർഹവുമാണെന്ന് ഉറപ്പാക്കുകയുമാണ് പദ്ധതിയുടെ ലക്ഷ്യം.