ഒ​മാ​ന്റെ വി​വി​ധ പ്ര​ദേ​ശ​ങ്ങ​ളി​ൽ മാ​വു​ക​ൾ കാ​യ്ച്ചു

ഒ​മാ​ന്റെ വി​വി​ധ പ്ര​ദേ​ശ​ങ്ങ​ളി​ൽ മാ​വു​ക​ൾ കാ​യ്ച്ചു. പ്ര​വാ​സി​ക​ളു​ടെ നാ​ട്ടോ​ർ​മ്മ​യി​ൽ​നി​ന്ന് മാ​ഞ്ഞു​പോ​കാ​ത്ത ചി​ത്ര​മാ​ണ് വി​ള​ഞ്ഞു​നി​ൽ​ക്കു​ന്ന മാ​മ്പ​ഴ​ങ്ങ​ൾ. ഏ​പ്രി​ൽ അ​വ​സാ​ന​ത്തി​ലും മേ​യ് മാ​സ​ത്തി​ലും സു​ൽ​ത്താ​നേ​റ്റി​ലെ വ​ഴി​യോ​ര​ത്തും കൃ​ഷി​യി​ട​ങ്ങ​ളി​ലും വീ​ട്ടു​മു​റ്റ​ത്തും ഒ​ഴി​ഞ്ഞ തൊ​ടി​യി​ലും നി​റ​യെ കാ​ഴ്ചു നി​ൽ​ക്കു​ന്ന മാ​വു​ക​ൾ കാ​ണാം. ഒ​മാ​ന്റെ വ​ള​ക്കൂ​റു​ള്ള മ​ണ്ണി​ൽ ത​ഴ​ച്ചു വ​ള​രു​ന്ന മാ​വു​ക​ളി​ൽ നി​റ​യു​ന്ന മാ​ങ്ങ​യും പ്ര​വാ​സി​ക​ൾ​ക്ക് ക​ണ്ണി​ന് കു​ളി​ർ​മ​യേ​കു​ന്ന കാ​ഴ്ച​യാ​ണ്.

വി​ഷു​വി​ന് ക​ണി​വെ​ക്കു​മ്പോ​ൾ നി​ർ​ബ​ന്ധ​മാ​ണ് പ​ച്ച​മാ​ങ്ങ. വി​ഷു​വി​ന് ഒ​മാ​നി​ലെ മ​ല​യാ​ളി പ്ര​വാ​സി​ക​ളി​ൽ അ​ധി​ക​വും ക​ണി​ക്കാ​യി ഇ​വി​ടെ കാ​യ്ച്ച മാ​ങ്ങ​യാ​ണ് ഉ​പ​യോ​ഗി​ക്കു​ന്ന​ത്. ഏ​ക്ക​ർ ക​ണ​ക്കി​ന് മാ​മ്പ​ഴ​ത്തോ​ട്ട​ങ്ങ​ൾ ഇ​വി​ടെ​യു​ണ്ട്. ഇ​വി​ടെ​നി​ന്ന് വി​ള​വെ​ടു​ക്കു​ന്ന മാ​ങ്ങ മ​റ്റു രാ​ജ്യ​ങ്ങ​ളി​ലേ​ക്ക് ക​യ​റ്റി അ​യ​ക്കു​ന്നു​ണ്ട്. ഒ​മാ​ന്റെ ത​ന​ത് മാ​മ്പ​ഴ​ത്തി​ന് ജി.​സി.​സി​രാ​ജ്യ​ങ്ങ​ളി​ൽ ആ​വ​ശ്യ​ക്കാ​ർ ഏ​റെ​യാ​ണ്. പ​ഴു​ത്ത മാ​മ്പ​ഴ​ത്തി​ന്​ മേ​യ്, ജൂ​ൺ മാ​സ​ങ്ങ​ളി​ൽ ഒ​മാ​ൻ വി​പ​ണി​യി​ൽ ന​ല്ല വി​ൽ​പ​ന ല​ഭി​ക്കും. പ​ര​മ്പ​രാ​ഗ​ത​മാ​ർ​ക്ക​റ്റി​ലും സൂ​ഖി​ലെ പ​ഴം പ​ച്ച​ക്ക​റി കേ​ന്ദ്ര​ത്തി​ലും മാ​മ്പ​ഴം ല​ഭ്യ​മാ​കും.