ബജറ്റിൽ ഒതുങ്ങിയ ഇലക്ട്രിക് കാർ വാങ്ങണോ ; ഇതാ ചില ബജറ്റ് ഫ്രണ്ട്‍ലി ഇവി കാറുകൾ

ഇന്ത്യൻ വിപണിയിൽ ഇലക്ട്രിക് കാറുകൾക്ക് വൻ പ്രചാരം ലഭിക്കുന്നുണ്ട്. എങ്കിലും റേഞ്ചിനെക്കുറിച്ചുള്ള ആശങ്കയും വിലനിർണ്ണയവും വാങ്ങുന്നവർക്കിടയിൽ ഇപ്പോഴും പ്രധാന ആശങ്കകളാണ്. ടാറ്റ, എംജി, മഹീന്ദ്ര തുടങ്ങിയ കമ്പനികൾ ഇപ്പോൾ മാന്യമായ റേഞ്ച് ലഭിക്കുന്നതും താങ്ങാനാവുന്ന വിലയുള്ള ഇലക്ട്രിക് കാറുകൾ വാഗ്ദാനം ചെയ്യുന്നുണ്ട്.

2025 എംജി കോമറ്റ് ഇവി

ജെഎസ്‍ഡബ്ല്യു എംജി മോട്ടോർ ഇന്ത്യ അടുത്തിടെ അപ്ഡേറ്റ് ചെയ്ത കോമറ്റ് ഇവി അവതരിപ്പിച്ചു. 7 ലക്ഷം രൂപ മുതൽ 9.84 ലക്ഷം രൂപ വരെയാണ് ഇതിന്റെ വില വരുന്നത്. എക്സിക്യൂട്ടീവ്, എക്സൈറ്റ്, എക്സൈറ്റ് ഫാസ്റ്റ് ചാർജ്, എക്സ്ക്ലൂസീവ്, എക്സ്ക്ലൂസീവ് ഫാസ്റ്റ് ചാർജ് എന്നീ അഞ്ച് വകഭേദങ്ങളിലാണ് ഈ നിര വരുന്നത്.

ടാറ്റ പഞ്ച് ഇവി

ആക്ടി ഡോട്ട് ഇവി പ്ലാറ്റ്‌ഫോമിനെ അടിസ്ഥാനമാക്കി നിർമ്മിച്ച ടാറ്റ പഞ്ച് ഇവിയിൽ രണ്ട് ബാറ്ററി ഓപ്ഷനുകളുണ്ട്. ചെറിയ ബാറ്ററിയിൽ 315 കിലോമീറ്ററും വലിയ ബാറ്ററിയിൽ 421 കിലോമീറ്ററും സഞ്ചരിക്കാൻ തങ്ങളുടെ കോംപാക്റ്റ് ഇലക്ട്രിക് എസ്‌യുവിക്ക് കഴിയുമെന്ന് കാർ നിർമ്മാതാവ് അവകാശപ്പെടുന്നു. പഞ്ച് ഇവിയുടെ വില 9.99 ലക്ഷം രൂപയിൽ ആരംഭിക്കുന്നു.

2025 ടാറ്റ ടിയാഗോ ഇവി

ടാറ്റ ടിയാഗോ ഇവിയിൽ നിലവിൽ രണ്ട് ബാറ്ററി പായ്ക്കുകൾ ലഭ്യമാണ്. ഇത് 223km ഉം 293km ഉം MIDC റേഞ്ച് നൽകുന്നു. നിലവിൽ ഇന്ത്യയിൽ വിൽപ്പനയിലുള്ള ഏറ്റവും താങ്ങാനാവുന്ന വിലയുള്ള ഇലക്ട്രിക് കാറുകളിൽ ഒന്നാണിത്. ടിയാഗോ ഇവിയുടെ ബേസ് വേരിയന്റിന് 7.99 ലക്ഷം രൂപയും ടോപ്പ്-എൻഡ് വേരിയന്റിന് 11.14 ലക്ഷം രൂപയുമാണ് എക്സ്ഷോറൂം വില.