ചാറ്റ് ജി.പി.ടിക്കായി ഏറ്റവും പുതിയ ഇമേജ് ജനറേഷൻ ഫീച്ചർ പുറത്തിറക്കി ഓപ്പൺ എ.ഐ

ചാറ്റ് ജി.പി.ടിക്കായി ഏറ്റവും പുതിയ ഇമേജ് ജനറേഷൻ ഫീച്ചർ പുറത്തിറക്കി ഓപ്പൺ എ.ഐ.ഇത് വരെ ഉണ്ടായവയിൽ ഏറ്റവും നൂതനമായ മോഡലാണിത്. ഓപ്പൺ എ.ഐ, സി.ഇ.ഒ സാം ആൾട്ട്മാൻ X വഴിയാണ് ഈ വാർത്ത പങ്കുവെച്ചത്. “ഈ മോഡൽ ഉപയോഗിച്ച് ഉണ്ടാക്കിയ ചില ചിത്രങ്ങൾ കണ്ടപ്പോൾ, അവ എ.ഐ സൃഷ്ടിച്ചതാണെന്ന് വിശ്വസിക്കാൻ ആയില്ലെന്ന്,” അദ്ദേഹം പറഞ്ഞു. “ഉപയോക്താക്കൾക്ക് സൃഷ്ടിപരമായ സ്വാതന്ത്ര്യം നൽകുകയാണ് ഞങ്ങളുടെ ലക്ഷ്യം. എന്നാൽ, അതോടൊപ്പം സുരക്ഷയും നിയന്ത്രണങ്ങളും ഉറപ്പാക്കേണ്ടതുണ്ട്”- ആൾട്ട്മാൻ കൂട്ടിച്ചേർത്തു.

ധാരാളം മാറ്റങ്ങൾ വരുത്തിയാണ് പുതിയ ഫീച്ചർ പുറത്തിറക്കിയിരിക്കുന്നത്. പുതിയ ജി.പി.ടി 4o മോഡലിന്റെ സഹായത്തോടെ ഫോട്ടോകൾ നിർമിക്കാനും ഉപയോക്താവിന് ആവശ്യമായ മാറ്റങ്ങൾ വരുത്താനും സാധിക്കും. കൂടാതെ സ്വാഭാവിക സംഭാഷണത്തിലൂടെ ചിത്രങ്ങൾ എഡിറ്റ് ചെയ്യാൻ കഴിയും.