ദുബായിൽ പാർക്കിങ് നിരക്കുവർധന അടുത്തമാസം മുതൽ പ്രാബല്യത്തിൽ

ദുബായിൽ പാർക്കിങ് നിരക്കുവർധന അടുത്തമാസം നാലുമുതൽ പ്രാബല്യത്തിലാകും. പുതിയ പാർക്കിങ് നിരക്ക് ഏർപ്പെടുത്താനുള്ള തീരുമാനം സംബന്ധിച്ച് റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയിൽനിന്ന് കത്ത് ലഭിച്ചതായി ദുബായിലെ പ്രധാന പാർക്കിങ് ഓപ്പറേറ്ററായ പാർക്കിൻ വെള്ളിയാഴ്ച ദുബായ് ഫിനാൻഷ്യൽ മാർക്കറ്റിൽ സമർപ്പിച്ച റിപ്പോർട്ടിൽ വ്യക്തമാക്കി.

പാർക്കിങ് ഫീസ് രണ്ടുതരത്തിലായിരിക്കും ഏപ്രിൽ നാലു മുതൽ ഈടാക്കുക. രാവിലെ എട്ടു മുതൽ 10 മണിവരെയും വൈകീട്ട് നാലു മുതൽ എട്ടു മണിവരെയും ഉയർന്ന പാർക്കിങ് ഫീസ് നൽകണം.