തിയേറ്ററുകളിൽ തീ പാറിക്കുമോ അബ്രാം ഖുറേഷി; ആദ്യഷോ ഡേറ്റ് പുറത്ത്

മലയാളികൾ കാത്തിരിക്കുന്ന എമ്പുരാന്റെ ആദ്യഷോ ഈ മാസം 27 ന് രാവിലെ ആറ് മണിക്ക് പ്രേഷകരുടെ മുന്നിലേക്ക് എത്തും. മോഹൻലാലും പൃഥ്വിരാജും ഇരുവരുടെയും സോഷ്യൽ മീഡിയ പേജിലൂടെയാണ് ഇത് സംബന്ധിച്ച വിവരം പുറത്തുവിട്ടത്. അറിയിപ്പിനോടൊപ്പം ഒരു പോസ്റ്ററും പുറത്തിറക്കിയിട്ടുണ്ട്.

ചിത്രം മലയാളം, തമിഴ്, തെലുങ്ക്, ഹിന്ദി, കന്നഡ തുടങ്ങി അഞ്ച് ഭാഷകളിലായാണ് റിലീസിന് എത്തുന്നത്. ചിത്രത്തിന്റെ റിലീസുമായി ബന്ധപ്പെട്ട് നിരവധി അനിശ്ചിതത്വങ്ങൾ നിലനിന്നിരുന്നു. സിനിമയുടെ നിർമാണത്തിൽ നിന്ന് ലൈക പ്രൊഡക്ഷൻസ് പിന്മാറിയിരുന്നു. പിന്നീട് ചിത്രത്തിന്റെ നിർമാണത്തിൽ ഗോകുലം മൂവീസും പങ്കാളി ആയതോടെ പ്രശ്നങ്ങൾ അവസാനിക്കുകയായിരുന്നു.

എമ്പുരാന്റെ ചിത്രീകരണം ആരംഭിച്ചത് 2023 ഒക്ടോബറിലായിരുന്നു. ഇരുപതോളം വിദേശ രാജ്യങ്ങളിലാണ് സിനിമ ചിത്രീകരിച്ചത്. മൂന്ന് ഭാഗങ്ങളായി പുറത്തിറങ്ങുന്ന ചിത്രത്തിന്റെ രണ്ടാം ഭാഗമാണ് ‘എമ്പുരാൻ’.അബ്രാം ഖുറേഷിയായുള്ള മോഹന്‍ലാലിന്റെ രണ്ടാം പകര്‍ന്നാട്ടം കാണാനുള്ള ആകാംഷയിലാണ് ആരാധകര്‍.