ഓടിക്കൊണ്ടിരുന്ന കാർ നിയന്ത്രണം വിട്ട് മതിലിലിടിച്ച് അപകടം

പാലക്കാട്: കാർ നിയന്ത്രണം വിട്ട് മതിലിടിച്ച് അപകടം. ഒരു സ്ത്രീ മരിച്ചു. വാഹനമോടിച്ചിരുന്നയാൾക്കും പരിക്ക്. തച്ചനാട്ടുകര നാട്ടുകൽ ഓവുപാലത്തിന് സമീപം ചേങ്ങോടൻ മൊയ്തുക്കുട്ടിയുടെ ഭാര്യ നഫീസയാണ് മരിച്ചത്. വാഹനം ഓടിച്ചിരുന്ന മകൻ റഫീഖ് ഗുരുതര പരിക്കുകളോടെ ആശുപത്രിയിൽ ചികിത്സയിൽ കഴിയുകയാണ്. ഇന്ന് ഉച്ചയ്ക്ക് 12 മണിയോടെയായിരുന്നു സംഭവം. നാട്ടുകല്ലിൽ നിന്നും മകളുടെ വീടായ ആലിപ്പറമ്പിലേക്ക് പോകും വഴിയായിരുന്നു അപകടം. മകളുടെ വീട്ടിലേക്ക് വിരുന്ന് പോകുകയായിരുന്നു ഇവർ. കരിങ്കല്ലത്താണി കാമ്പുറം റോഡിലെ പള്ളിക്കുന്ന് ഭാഗത്ത് വെച്ചാണ് അപകടം നടന്നത്.