വിക്കി കൗശല്‍ – രശ്മിക ചിത്രം; ബോക്സ് ഓഫീസിൽ മുന്നേറ്റം തുടർന്ന് ഛാവ !

വിക്കി കൗശല്‍ പ്രധാന വേഷത്തിൽ എത്തിയ ഛാവ ബോക്സ് ഓഫീസിൽ മുന്നേറ്റം തുടരുകയാണ്. റിലീസ് ചെയ്ത് 3 ആഴ്ചയ്ക്ക് ശേഷം ഇറങ്ങിയ തെലുങ്ക് പതിപ്പ് തെലുങ്ക് സംസ്ഥാനങ്ങളിൽ മികച്ച കളക്ഷന്‍ നേടുകയാണ്. വെള്ളിയാഴ്ച ഛാവ ഹിന്ദിയിൽ 6.25 കോടി രൂപയും, തെലുങ്ക് പതിപ്പ് 2.5 കോടി രൂപയും നേടി.

ശനിയാഴ്ച, ഹിന്ദി പതിപ്പ് 13.5 കോടി രൂപയും തെലുങ്ക് പതിപ്പ് 3 കോടി രൂപയും നേടി. ഞായറാഴ്ച ആദ്യ റിപ്പോര്‍ട്ട് പ്രകാരം ചിത്രം എല്ലാ ഭാഷകളിലും കൂടി 11.5 കോടി നേടിയിട്ടുണ്ട്. ഫെബ്രുവരി 14 ന് ആണ് ഛാവ റിലീസ് ചെയ്തത്.

ആദ്യദിനം മുതൽ ചിത്രം മികച്ച കളക്ഷൻ നേടിയിരുന്നു. കളക്ഷൻ റിപ്പോർട്ട് പ്രകാരം 520.55 കോടി രൂപയാണ് ചിത്രം നേടിയിരിക്കുന്നതെന്ന് കോയ് മോയ് റിപ്പോർട്ട് ചെയ്യുന്നു. കൂടാതെ അനിമൽ (505 കോടി), ബാഹുബലി 2 (511 കോടി) എന്നീ സിനിമകളുടെ ഹിന്ദി ലൈഫ് ടൈം കളക്ഷനുകളെ ഛാവ മറികടന്നു. ഹിന്ദി സിനിമകളിൽ ഏറ്റവും കൂടുതൽ കളക്ഷൻ നേടിയ ലിസ്റ്റിൽ ആറാം സ്ഥാനത്താണ് ഛാവ.