അമ്പമ്പോ… ഇതാണ് ആഡംബരം ; ശ്രദ്ധ നേടി ശ്ലോക അംബാനിയുടെ വാലന്റീനോയുടെ വസ്ത്രം !

ഏറ്റവും വലിയ സമ്പന്ന കുടുംബങ്ങളില്‍ ഒന്നാണ് അംബാനി. അംബാനി കുടുംബത്തിനെ വിടാതെ പിന്തുടരാറുണ്ട് സോഷ്യല്‍ മീഡിയ. ഇപ്പോഴിതാ മുകേഷ് അംബാനിയുടെ മൂത്ത മകന്‍ ആകാശ് അംബാനിയുടെ ഭാര്യ ശ്ലോക അംബാനിയാണ് ശ്രദ്ധ കേന്ദ്രം. ഇതിനകം തന്നെ ശ്ലോക, സ്‌റ്റൈല്‍ ഐക്കണ്‍ എന്ന നിലയില്‍ ശ്രദ്ധിക്കപ്പെട്ടിട്ടുണ്ട്. ലോകത്തിലെ ഏറ്റവും ആഡംബര ഫാഷന്‍ ബ്രാന്‍ഡുകളായ വാലന്റീനോ, ചാനല്‍, ഡിയോര്‍ തുടങ്ങിയ ബ്രാന്‍ഡുകളുടെ ഡിസൈനര്‍ വസ്ത്രങ്ങള്‍ ശ്ലോക പതിവായി ധരിക്കാറുണ്ട്. ഇപ്പോള്‍ ശ്ലോക ധരിച്ച പ്രമുഖ ആഡംബര ബ്രാന്‍ഡായ വാലന്റീനോയുടെ വസ്ത്രമാണ് ശ്രദ്ധ നേടുന്നത്.

വാലന്റീനോയുടെ ‘ക്രീപ്പ് കൊച്ചര്‍ സീക്വിന്‍-എംബെല്ലിഷ്ഡ് മിനി ഡ്രസ്’ ആണ് ശ്ലോക ധരിച്ചത്. ശ്ലോക അംബാനിയുടെ പിങ്ക് വാലന്റീനോ വസ്ത്രത്തിന്റെ വില സോഷ്യല്‍ മീഡിയയെ അമ്പരിപ്പിച്ചിട്ടുണ്ട്. റോസ് നിറത്തിലുള്ള മിനി ഡ്രസ്സ് സില്‍ക്ക് കൊണ്ട് നിര്‍മ്മിച്ചതാണ്. ഇതില്‍ നിറയെ തിളങ്ങുന്ന സീക്വിനുകളാല്‍ അലങ്കരിച്ചിട്ടുണ്ട്. വാലന്റീനോയുടെ വെബ്സൈറ്റില്‍ ഈ വസ്ത്രത്തിന്റെ വില 11,580 ഡോളറാണ്. രാജ്യത്ത് ഇതിന്റെ വില ഏകദേശം 10 ലക്ഷം രൂപയാണ്. ഇതിന്റെ കൂടെ ഏകദേശം ഒരു ലക്ഷം രൂപ വില വരുന്ന മെറ്റാലിക് ഹീല്‍സ് ചെറുപ്പന് ശ്ലോക അണിഞ്ഞത്.