പൾസർ സുനിക്കെതിരെ വിചാരണ കോടതിയിൽ റിപ്പോർട്ട്, ജാമ്യം റദ്ദാക്കണമെന്ന് ആവശ്യം

കൊച്ചി: പൾസർ സുനിക്കെതിരെ വിചാരണ കോടതിയിൽ റിപ്പോർട്ട്. നടിയെ ആക്രമിച്ച കേസിലെ അന്വേഷണ സംഘമാണ് റിപ്പോർട്ട് നൽകിയത്. ജാമ്യ വ്യവസ്ഥ ലംഘിച്ചുവെന്നാണ് അറിയിച്ചിരിക്കുന്നത്. കഴിഞ്ഞ ദിവസം കുറുപ്പുംപടിയിലെ ഹോട്ടലിൽ കയറി അക്രമം നടത്തിയതിനെ തുടർന്നാണ് നടപടി. ഇതിനെ തുടർന്ന് ഇന്നലെ ഇയാളെ പോലീസ് അറസ്റ്റ് ചെയ്തിരുന്നു. നടിയെ ആക്രമിച്ചക്കേസിൽ കർശന ജാമ്യ വ്യവസ്ഥകളോടെ പുറത്തിറങ്ങിയ ഇയാൾ വീണ്ടും അതിക്രമം കാണിക്കുകയായിരുന്നു.