ശാരീരിക അസ്വസ്ഥതകൾ നേരിടുന്ന ആളിൽ നിന്നും ലോട്ടറി ടിക്കറ്റുകൾ തട്ടിയെടുത്തു; പ്രതി പോലീസ് പിടിയിൽ

പാലക്കാട്: ശാരീരിക അസ്വസ്ഥതകൾ നേരിടുന്ന ആളിൽ നിന്നും ലോട്ടറി ടിക്കറ്റ് തട്ടിയെടുത്ത സംഭവത്തിൽ പ്രതിയെ പോലീസ് പിടികൂടി. തമിഴ്‌നാട് സ്വദേശിയായ കാളിങ്കരാജാണ് (53) അറസ്റ്റിലായത്. പക്ഷാഘാതം ബാധിച്ച് ശരീരത്തിന്റെ ഒരു വശം തളർന്ന കൊടുവായൂർ സ്വദേശിയിൽ നിന്ന് കാളിങ്കരാജ് ലോട്ടറി ടിക്കറ്റുകൾ തട്ടിയെടുക്കുകയായിരുന്നു. സമാനമായ മറ്റൊരു കേസിൽ ഇയാൾ പിടിയിലായതോടെ പോലീസ് നടത്തിയ ചോദ്യം ചെയ്യലിലാണ് കൊടുവായൂർ സ്വദേശിയുടെ ടിക്കറ്റ് തട്ടിയെടുത്ത കാര്യവും പ്രതി സമ്മതിച്ചത്. സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് പ്രതിയെ പിടികൂടാനായത്.