മാരാമൺ കൺവൻഷൻ ആഗോള ഫെയ്സ് ബുക്ക് കൂട്ടായ്മ : സ്തുത്യർഹ സേവനം നൽകിയവരെ ആദരിച്ചു

പത്തനംതിട്ട : മാരാമൺ കൺവൻഷൻ ആഗോള ഫെയ്സ് ബുക്ക് കൂട്ടായ്മയുടെ 13-മത് ഒത്തു ചേരൽ സംഘടിപ്പിച്ചു. പരിപാടിയിൽ സമൂഹത്തിലെ വിവിധ വ്യക്തിത്വങ്ങളെ ആദരിച്ചു.

സാമൂഹിക സാംസ്കാരിക രാഷ്ട്രീയ മേഖലയിൽ സ്തുത്യര്‍ഹമായ സേവനം കാഴ്ചവെച്ച അഡ്വ വർഗീസ് മാമ്മനെയും 25 വർഷം തുടർച്ചയായി മാരാമൺ കൺവൻഷൻ റിപ്പോർട്ട് ചെയ്ത മാധ്യമ പ്രവർത്തകനായ ടി കെ സുധീഷ് കുമാറിനെയും ഡോ തോമസ് മാർ തീത്തോസ് എപ്പിസ്‌കോപ്പാ തിരുമേനി ഉപഹാരം നല്‍കി ആദരിച്ചത്.

കൂട്ടായ്മയുടെ പ്രസിഡന്റ്  അജിത് ഈപ്പൻ തോമസ്, കൺവീനർ സുബിൻ നീറുംപ്ലാക്കൽ, സാം ചെമ്പകത്തിൽ, എബി വാരിക്കാട്, തോമസ് കോശി, മോട്ടി ചെറിയാൻ, അഡ്വ ബിനു വി ഈപ്പൻ, അഡ്വ ചെറിയാൻ സി തോമസ്, ജിബു വാൽപ്പാറ, ജോസ് പള്ളിപ്പറമ്പിൽ, മാത്യു വാളക്കുഴി, ജോജി വർഗീസ്, റിജോ തോപ്പിൽ, സിബു പുലിയൂർ, ബാബു തോട്ടത്തിൽ, സജായി പി സൈമൺ, ബിനോജ് ചിറയ്ക്കൽ എന്നിവർ പരിപാടിയിൽ സന്നഹിതരായി.