കാർ വാങ്ങാൻ പോകുവാണോ; അറിയാം ഫെബ്രുവരിയിലെ ഓഫറുകൾ

ഫെബ്രുവരി മാസം നിങ്ങൾക്ക് വളരെ പ്രത്യേകതയുള്ളതാണ്. കാരണം, വിൽപ്പന വർദ്ധിപ്പിക്കുന്നതിനായി പല ഓട്ടോ കമ്പനികളും ആയിരക്കണക്കിന് രൂപയുടെയും ലക്ഷക്കണക്കിന് രൂപയുടെയും കിഴിവുകൾ വാഗ്ദാനം ചെയ്യുന്നുണ്ട്. കഴിഞ്ഞ വർഷത്തെ സ്റ്റോക്ക് ക്ലിയർ ചെയ്യുന്നതിനായി ചില കമ്പനികൾ 2025 മോഡലിനെ അപേക്ഷിച്ച് 2024 മോഡലിന് കൂടുതൽ ആനുകൂല്യങ്ങളും കിഴിവുകളും വാഗ്ദാനം ചെയ്യുന്നു. ഏതൊക്കെ മോഡലുകൾക്കാണ് പരമാവധി കിഴിവ് ലഭിക്കുകയെന്ന് അറിയാം.

മാരുതി സുസുക്കി ഇൻവിക്റ്റോ

ഈ കാറിന്റെ 2024 ആൽഫ മോഡൽ ഈ മാസം നിങ്ങൾക്ക് 3.15 ലക്ഷം രൂപ വരെ വമ്പിച്ച കിഴിവോടെ ലഭിക്കും. അതേസമയം. 2025 മോഡലിന് 2.15 ലക്ഷം രൂപ വരെ കിഴിവ് നൽകുന്നു. ഈ കാറിന്റെ വില 25.51 ലക്ഷം മുതൽ 29.22 ലക്ഷം രൂപ വരെയാണ്. ഈ കാറിന്റെ ആൽഫ മോഡലിന്റെ വില 29. 22 ലക്ഷം രൂപയാണ്. ഈ വിലകളെല്ലാം എക്സ്-ഷോറൂം വിലകളാണ്.

ഫോക്‌സ്‌വാഗൺ ടൈഗൺ

ഈ കാറിന്റെ 2024 മോഡലിന്റെ സ്റ്റോക്ക് വിറ്റഴിക്കുന്നതിന് കമ്പനി 2.20 ലക്ഷം രൂപ വരെ കിഴിവ് നൽകുന്നു. കഴിഞ്ഞ മാസം ഈ കാറിന് രണ്ടുലക്ഷം രൂപ കിഴിവ് ഉണ്ടായിരുന്നു, എന്നാൽ ഈ മാസം കിഴിവ് തുക വർദ്ധിപ്പിച്ചു. അതേസമയം, ഫെബ്രുവരിയിൽ 80,000 രൂപ കിഴിവോടെ ഈ കാറിന്റെ 2025 മോഡൽ നിങ്ങൾക്ക് ലഭിക്കും.

മഹീന്ദ്ര ഥാർ

ഈ ജനപ്രിയ എസ്‌യുവിക്ക് 1.25 ലക്ഷം രൂപ വരെ വമ്പിച്ച കിഴിവ് വാഗ്ദാനം ചെയ്യുന്നു. ഈ എസ്‌യുവിയുടെ 2024 മോഡൽ വർഷത്തെ 3 ഡോർ പെട്രോൾ 2WD വേരിയന്റിലാണ് ഏറ്റവും ഉയർന്ന കിഴിവ്. അതേസമയം 2024ലെ പെട്രോൾ, ഡീസൽ 4WD വേരിയന്റുകൾക്ക് ഒരു ലക്ഷം രൂപ വരെ കിഴിവ് ലഭിക്കും. ഈ എസ്‌യുവിയുടെ എക്സ്-ഷോറൂം വില 11.50 ലക്ഷം രൂപയിൽ നിന്നാണ് ആരംഭിക്കുന്നത്.