കുടിയേറ്റക്കാരെ വിലങ്ങണിയിച്ച സംഭവം : അമേരിക്കയെ ന്യായീകരിച്ച കേന്ദ്ര നടപടിയിൽ പ്രതിഷേധം

ഡൽഹി: ഇന്ത്യൻ കുടിയേറ്റക്കാരെ വിലങ്ങണിയിച്ച് സൈനിക വിമാനത്തിൽ നാടുകടത്തിയ നടപടിയിൽ പ്രതിഷേധം. പാർലമെന്റിന്റെ മുന്നിൽ എംപിമാരായ എ എ റഹിം, വി ശിവദാസൻ, ജോൺ ബ്രിട്ടാസ്, പി സന്തോഷ് കുമാർ, പി പി സുനീർ, ജോസ് കെ മാണി, സു വെങ്കിടേശൻ, വി സെൽവരാജ്, ആർ സച്ചിദാനന്ദം എന്നിവർ പ്രതിഷേധിച്ചു.

സൈനിക വിമാനത്തിൽ 104 പേരെയാണ് കഴിഞ്ഞ ദിവസം അമേരിക്കയിൽ നിന്ന് നാടുകടത്തിയത്. നാടുകടത്തലിൽ യുഎസിനെയും ഡോണൾഡ് ട്രംപിനെയും ന്യായീകരിക്കുന്ന നടപടിയാണ് കേന്ദ്രം സ്വീകരിച്ചത്. നാടുകടത്തൽ പുതിയ സംഭവമല്ലെന്നും യുഎസ് മുമ്പും ഇന്ത്യക്കാരെ നാടു കടത്തിയിട്ടുണ്ടെന്നുമായിരുന്നു വിദേശ കാര്യമന്ത്രി എസ് ജയശങ്കർ പറഞ്ഞത്. തുടർന്നാണ് മന്ത്രിയുടെ പ്രസ്താവനയ്ക്കെതിരെ പ്രതിഷേധവുമായി പ്രതിപക്ഷം രംഗത്തെത്തിയത്.