അടിപൊളി ഫീച്ചറുകൾ; പുതിയ എക്‌സ്‌പൾസ് 210 അവതരിപ്പിച്ച് ഹീറോ

ഹീറോ മോട്ടോകോർപ്പ് പുതിയ എക്‌സ്‌പൾസ് 210 അവതരിപ്പിച്ചു. ഭാരത് മൊബിലിറ്റി ഗ്ലോബൽ എക്‌സ്‌പോ 2025-ലാണ് വാഹനം അവതരിപ്പിച്ചത്. ഇതിന്റെ പ്രാരംഭ എക്‌സ് ഷോറൂം വില 1.75 ലക്ഷം രൂപയാണ്. ഈ എൻട്രി ലെവൽ അഡ്വഞ്ചർ ബൈക്കിൻ്റെ ബുക്കിംഗ് അടുത്ത മാസം മുതൽ ആരംഭിക്കുമെന്നും ഡെലിവറി മാർച്ചിൽ പ്ലാൻ ചെയ്യുമെന്നുമാണ് പുതിയ റിപ്പോർട്ടുകൾ.

ഈ ബൈക്കിൽ കരുത്തുറ്റ എഞ്ചിനാണ് ഘടിപ്പിച്ചിരിക്കുന്നത്. ഇതിന് ഹീറോ എക്‌സ്‌പൾസ്210 ന് 210cc, സിംഗിൾ-സിലിണ്ടർ, ലിക്വിഡ്-കൂൾഡ്, 4-വാൽവ് എഞ്ചിൻ ഉണ്ട്. ബൈക്കിൻ്റെ എഞ്ചിന് പരമാവധി 24.6 ബിഎച്ച്പി കരുത്തും 20.7 എൻഎം പരമാവധി ടോർക്കും ഉൽപ്പാദിപ്പിക്കാൻ കഴിയും.

ബൈക്കിന് ഇരുവശത്തും എൽഇഡി ടേൺ ഇൻഡിക്കേറ്ററുകൾ, ട്യൂബുലാർ ഹാൻഡിൽബാർ, സിംഗിൾ പീസ് സീറ്റ് എന്നിവ ലഭിക്കുന്നു. ഒപ്പം അടിപൊളി ഫീച്ചറുകളോടെയാണ് ബൈക്ക് സജ്ജീകരിച്ചിരിക്കുന്നത്. ഈ ബൈക്കിന് 4.2 ഇഞ്ച് TFT കൺസോളും സ്മാർട്ട്‌ഫോൺ കണക്റ്റിവിറ്റിയുള്ള എൽഇഡി ലൈറ്റും ഉണ്ട്. കൂടാതെ, ബ്രേക്കിംഗ് ഹാർഡ്‌വെയറിൽ ഡ്യുവൽ-ചാനൽ എബിഎസ് ഉള്ള ഫ്രണ്ട്, റിയർ ഡിസ്‌കുകൾ ഉൾപ്പെടുന്നു.