വെടിനിർത്തൽ കരാർ: മോചിപ്പിക്കുന്ന ഇസ്രയേൽ സൈനികരുടെ പേര് പുറത്തു വിട്ട് ഹമാസ്

ടെൽ അവീവ്: ഇസ്രയേൽ- ഹമാസ് വെടിനിർത്തൽ കരാറിന്റെ ഭാഗമായി രണ്ടാമതായി മോചിപ്പിക്കുന്ന 4 ഇസ്രയേൽ വനിതാ സൈനികരുടെ പേര് പുറത്തു വിട്ടു ഹമാസ്. ഇന്ന് ഉച്ചയ്ക്കു ശേഷം നടക്കുന്ന കൈമാറ്റത്തിൽ ഇവർക്കു പകരം തടവിലുള്ള 200 പലസ്തീൻ സൈനികരെ ഇസ്രയേൽ വിട്ടയയ്ക്കും. വിട്ടയയ്ക്കുന്ന ഒരു വനിതാ സൈനികയ്ക്കു പകരം 50 പലസ്തീൻ സൈനികരെ വിടുമെന്നാണ് കരാർ.

ഇസ്രയേൽ-ഹമാസ് വെടിനിർത്തൽ കരാർ

മൂ​ന്ന് ഘ​ട്ട​ങ്ങ​ളി​ലാ​യാ​കും വെ​ടി​നി​ർ​ത്ത​ൽ. ആ​ദ്യ ഘ​ട്ട​ത്തി​ൽ സ്ത്രീ​ക​ൾ, കു​ട്ടി​ക​ൾ, വൃ​ദ്ധ​ർ എ​ന്നി​ങ്ങ​നെ 33 ബ​ന്ദി​ക​ളെ​യാ​കും വി​ട്ട​യ​ക്കു​ക. പ​രി​ക്കേ​റ്റ​വ​ർ, രോ​ഗി​ക​ൾ എ​ന്നി​വ​രെ​യും മോ​ചി​പ്പി​ക്കും. മൂ​ന്ന് ബ​ന്ദി​കൾ ഒ​ന്നാം ദി​വ​സം മോ​ചി​ത​രാ​കും. ഏഴാം നാൾ നാല് പേരും 14ാം ദിനത്തിൽ മൂന്നുപേരും പുറ​ത്തെത്തും. 28, 35 ദിവസങ്ങളിൽ മൂന്നു പേർ വീതം മോചിതരാകും. കരാർ പ്രകാരം അവശേഷിച്ചവർ അവസാന ആഴ്ചയിലാകും പുറത്തെത്തുക. ഇ​സ്ര​യേ​ൽ സേ​നാ പി​ന്മാ​റ്റ​വും അ​നു​ബ​ന്ധ​മാ​യി ആ​രം​ഭി​ക്കും. ര​ണ്ട്, മൂ​ന്ന് ഘ​ട്ട​ങ്ങ​ളു​ടെ വി​ശ​ദാം​ശ​ങ്ങ​ൾ വെ​ടി​നി​ർ​ത്ത​ലി​ന്റെ 16ാം നാ​ൾ പുറത്തുവിടുമെന്നാണ് വിവരം.
ര​ണ്ടാം ഘ​ട്ട​ത്തി​ൽ പ​ട്ടാ​ള​ക്കാ​ർ, റി​സ​ർ​വ് സേ​നാം​ഗ​ങ്ങ​ൾ എ​ന്നി​വ​രാ​കും വി​ട്ട​യ​ക്ക​പ്പെ​ടു​ക. പ​ക​ര​മാ​യി പ​ല​സ്തീ​ൻ ത​ട​വു​കാ​രു​ടെ മോ​ച​ന​വും ന​ട​ക്കും. 1,000 പ​ല​സ്തീ​ൻ ത​ട​വു​കാ​രെ വി​ട്ട​യ​ക്കാ​മെ​ന്ന് സ​മ്മ​തി​ച്ച​തി​ൽ 190 പേ​ർ 15 വ​ർ​ഷ​മോ അ​തി​ലേ​റെ​യോ ജ​യി​ൽ ശി​ക്ഷ വി​ധി​ക്ക​പ്പെ​ട്ട​വ​രാ​ണ്. ഇ​തേ ഘ​ട്ട​ത്തി​ൽ വ​ട​ക്ക​ൻ ഗാസ​യി​ലേ​ക്ക് മ​ട​ക്ക​വും അ​നു​വ​ദി​ക്കും. ​ഗാസയു​ടെ പു​ന​ർ​നി​ർ​മാ​ണ​മാ​ണ് മൂ​ന്നാം ഘ​ട്ട​ത്തി​ൽ ന​ട​ക്കു​ക.