യുവതിയെ കത്രിക കൊണ്ട് കുത്തി കൊലപ്പെടുത്തി

പൂനെ: ഭാര്യയുടെ കഴുത്തിൽ കത്രിക കൊണ്ട് കുത്തി കൊലപ്പെടുത്തി യുവാവ്. പൂനെയിലെ ഖരാഡി മേഖലയിലാണ് സംഭവം നടന്നത്. ശിവദാസ് ഗിതേ (37) എന്നയാളാണ് ഭാര്യ ജ്യോതി ഗിതേ (27) യെ കൊലപ്പെടുത്തിയത്. പ്രതിയെ പൊലീസ് അറസ്റ്റ് ചെയ്തു.ബുധനാഴ്ച അർദ്ധരാത്രി ദമ്പതികൾ തമ്മിൽ വഴക്കുണ്ടായി.

വ്യാഴാഴ്ച പുലർച്ചെ നാലരയോടെ ശിവദാസ് ഗീതെ ഭാര്യയെ ആക്രമിക്കുകയായിരുന്നുവെന്നാണ് വിവരം. അവിടെയുണ്ടായിരുന്ന കത്രികയെടുത്ത് യുവതിയുടെ കഴുത്തിൽ കുത്തി. ജ്യോതിയുടെ നിലവിളി കേട്ട് അയൽക്കാർ എത്തുകയായിരുന്നു.അയൽവാസികൾ തന്നെയാണ് യുവതിയെ ആശുപത്രിയിലെത്തിച്ചത്.

എന്നാൽ യുവതിയുടെ ജീവൻ രക്ഷിക്കാനായില്ല. ഇതിനുപിന്നാലെ ശിവദാസിന് പശ്ചാത്താപം തോന്നി. ഉടൻ തന്നെ തെറ്റുപറ്റിയെന്ന് പറഞ്ഞുകൊണ്ട് ഫോണിൽ ഒരു വീഡിയോയെടുത്ത് ഓഫീസ് ഗ്രൂപ്പിൽ പങ്കുവയ്ക്കുകയും ചെയ്തു.