ബോളിവുഡിന്റെ മലയാളത്തനിമ; പരം സുന്ദരി കേരളത്തിൽ

സിദ്ധാര്‍ഥ് മല്‍ഹോത്ര- ജാൻവി കപൂർ ചിത്രം പരം സുന്ദരിയുടെ അപ്‍ഡേറ്റ് പുറത്തുവന്നിരിക്കുകയാണ്. സിനിമയുടെ ചില ഭാഗങ്ങൾ അതിരപ്പിള്ളിയിൽ ചിത്രീകരിച്ചുകൊണ്ടിരിക്കുകയാണ് എന്ന റിപ്പോര്‍ട്ടാണ് പുറത്ത് വരുന്നത്. തുഷാര്‍ ജലോട്ട ആണ് പരം സുന്ദരിയുടെ സംവിധാനം നിര്‍വഹിക്കുന്നത് .

ജാൻവി കപൂര്‍ നായികയാകുന്ന റൊമാന്റിക് ചിത്രത്തിനായി ദില്ലിയില്‍ കേരള പശ്ചാത്തലമൊരുക്കുമെന്നും റിപ്പോര്‍ട്ടുണ്ടായിരുന്നു. സിദ്ധാര്‍ഥ് മല്‍ഹോത്ര ദില്ലിക്കാരനാകുമ്പോള്‍ നായികാ കഥാപാത്രം കേരള കലാകാരിയാണ്.

സാഗര്‍ ആംമ്പ്രയുടെയും പുഷ്‍കര്‍ ഓജയുടെയും സംവിധാനത്തില്‍ ഒരുങ്ങിയ യോദ്ധയാണ് സിദ്ധാര്‍ഥ് മല്‍ഹോത്രയുടേതായി ഒടുവില്‍ പ്രദര്‍ശനത്തിനെത്തിയ ചിത്രം.
യോദ്ധ ഒരു ആക്ഷൻ ത്രില്ലര്‍ ചിത്രമായിട്ടാണ് ഒരുക്കിയിരുന്നത്. സിദ്ധാര്‍ഥ് മല്‍ഹോത്ര നായകനായി വന്ന ചിത്രം ഹിറ്റായിരുന്നില്ല. അരുണ്‍ കട്യാല്‍ എന്ന കഥാപാത്രമായിട്ടാണ് സിദ്ധാര്‍ഥ് മല്‍ഹോത്ര ചിത്രത്തില്‍ വേഷമിട്ടിരിക്കുന്നത്. എ ജെന്റില്‍മാൻ എന്ന ചിത്രത്തില്‍ ഗായകനായും സിദ്ധാര്‍ഥ് മല്‍ഹോത്ര തിളങ്ങിയിരുന്നു. ജബരിയാ ജോഡി, ഷേര്‍ഷാ തുടങ്ങിയ സിനിമകള്‍ക്ക് പുറമേ താങ്ക് ഗോഡ്, എക് വില്ലൻ, സ്റ്റുഡന്റ് ഓഫ് ദ ഇയര്‍ തുടങ്ങിവയിലൂടെയും പ്രേക്ഷകരുടെ പ്രിയം നേടിയ താരമാണ് സിദ്ധാര്‍ഥ് മല്‍ഹോത്ര.