ബൈക്ക് അപകടം; ടി.വി സീരിയല്‍ താരം അമന്‍ ജെയ്‌സ്വാളിന് ദാരുണാന്ത്യം

മുംബൈ: ബൈക്ക് അപകടത്തിൽ ഇന്ത്യൻ ടെലിവിഷൻ താരം അമൻ ജെയ്സ്വാൾ മരണപ്പെട്ടു. ജോഗേശ്വരി ഹൈവേയിൽ ജെയ്സ്വാളിന്റെ ബൈക്കിൽ ട്രക്ക് ഇടിച്ചായിരുന്നു അപകടം. ഉടൻ തന്നെ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.

അപകടം നടന്ന് അരമണിക്കൂറിനുള്ളില്‍ത്തന്നെ മരണം സംഭവിച്ചെന്ന് അമന്റെ സുഹൃത്ത് അഭിനേഷ് മിശ്ര മാധ്യമങ്ങളോട് പറഞ്ഞു. മുംബൈയിലെ കാമാ ആശുപത്രിയില്‍ ഉടന്‍ എത്തിച്ചിരുന്നു.

ഇരുപത്തിമൂന്നുകാരനായ അമൻ ജെയ്സ്വാൾ ധർത്രീപുത്ര നന്ദിനി എന്ന സീരിയലിലൂടെ ജനപ്രിയനായിരുന്നു.